ДӘСТҮРИЙ «АСПАЗЛАР БЕЛЛЕСЕЎИ» ҚАШАН ӨТКЕРИЛЕДИ?

Бул туўралы Өзбекистан Республикасы Саўда-санаат палатасы Қарақалпақстан Республикасы басқармасы ҳәм Қарақалпақстан Республикасы жәмийетлик аўқатланыў кәрханалары бирлеспеси төмендегише мәлимлеме береди.

Өзбекстан Республикасы Президентиниң 2018-жыл 23-февральдағы «2018-жылғы Наўрыз улыўмахалықлық байрамына таярлық көриў ҳәм оны өткериў ҳаққында»ғы ПҚ-3564-санлы қарарының орынланыўын әмелге асырыў мақсетинде шөлкемлестирилип атырған бул таңлаў 2018-жыл 14-апрель сәнесинде республикамыздағы улыўма аўқатланыў тараўында хызмет етип атырған исбилерменлер, нөкис қаласы ҳәм барлық районлар аймағындағы ресторан, кафе ­ҳәм асхана аспазлары арасында болып өтеди.

Таңлаў жеңимпазлары 1-, 2- ҳәм 3-орын, сондай-ақ, «Ең жақсы аспаз», «Ең жақсы салат», «Ең жақсы шет ел тағамы», «Ең жақсы миллий тағам», «Ең жақсы үлгили аспаз» ҳәм «Илаждың белсенди қатнасыўшысы» номинациялары менен анықланады.

Қарақалпақстан Республикасы

Министрлер Кеңесиниң Мәлимлеме хызмети


Sa'ne: 2018-04-07 16:02:45, Ko'rip shi'g'i'ldi': 607