Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ДЫҚҚАТ ТАҢЛАЎ!

Betti PDF ta'rizde ju'klep ali'w Betti PDF ta'rizde ju'klep ali'w (54 Kb)    Versiyasi'    Betti doc ta'rizde ju'klep ali'w (54 KB)

«ИНСАН ҲУҚЫҚЛАРЫ ЖУРНАЛИСТ НӘЗЕРИНДЕ»

Өзбекистан бийғәрез баспа ғалаба хабар қураллары менен мәлимлеме агентликлерин қоллап-қуўатлаў ҳәм раўажландырыў жәмийетлик қоры елимизде инсан ҳуқықлары менен еркинликлерин тәмийинлеў мақсетинде әмелге асырылып атырған демократиялық, социаллық-экономикалық, сиясий-ҳуқықый реформаларды  буннан былай да тереңлестириў процесиниң баспа ғалаба хабар қуралларында кеңнен сәўлелениўин шөлкемлестириў, журналистлердиң  жәмийеттеги белсендилигин арттырыў, оларды қоллап-қуўатлаў мақсетинде «Инсан ҳуқықлары журналист нәзеринде» темасындағы дөретиўшилик таңлаўын жәриялайды.

Таңлаў Өзбекистан Республикасы Олий Мажлиси жанындағы Мәмлекетлик емес коммерциялық емес шөлкемлерди ҳәм пуқаралық жәмийетиниң басқа да институтларын қоллап-қуўатлаў жәмийетлик қорының жәрдеминде өткериледи.

Таңлаў шәртлери:

Таңлаўға 2016-жылдың 1-январынан 10-ноябрине шекем Республикалық баспа ғалаба хабар қуралларында ҳәм интернет басылымларында жәрияланған, Инсан ҳуқықлары бойынша пүткил дүнья жүзилик Декларациясының, елимизде инсан ҳуқықларын тәмийинлеўге қаратылған нызам ҳүжжетлериниң мазмун-мәниси ҳәм олардың әмел етиўи, инсан ҳуқықлары менен мәплерин қорғаўды тәмийинлеў, шахсты ҳәр тәреплеме жетилистириў, жаслардың демократиялық пуқаралық жәмийетти қурыўда белсене қатнасыўы ушын зәрүр социаллық-экономикалық, сиясий-ҳуқықый шараят жаратыўға қаратылған темадағы мәлимлеме-талқылаў, публицистикалық ҳәм фотоматериаллар қабыл етиледи.

Таңлаўға усынылған материаллар елимизде жумыс алып барып атырған баспа ғалаба хабар қуралларында, интернет басылымларында жәрияланған болыўы керек.

Усынылған материаллар өзбек, рус ҳәм қарақалпақ тиллеринде таярланған, жәрияланған баспа ямаса интернет басылымы анық көрсетилген электрон және баспа нусқада болыўы керек. Фоторепортажлар түп нусқада усынылады. Дөретиўшилик жумысларға автор ҳаққында (фамилиясы, исми, профессионаллық жумысы ҳаққында қысқаша мағлыўмат, паспорт нусқасы) мағлыўматлар қосымша етиледи.

Таңлаў жеңимпазларына сыйлықлар

Жеңимпазлар диплом ҳәм компьютер комплекти, телевизор, планшет ҳәм басқа да саўғалар менен сыйлықланады.

Материаллар «Инсан ҳуқықлары журналист нәзеринде» темасындағы дөретиўшилик таңлаўға деп жазылған ҳалда Өзбекистан бийғәрез баспа ғалаба  хабар қураллары менен мәлимлеме агентликлерин қоллап-қуўатлаў ҳәм раўажландырыў жәмийетлик қорына 2016-жыл 10-ноябрьге шекем төмендеги мәнзилге жибериледи: Ташкент қаласы - 100129, Наўайы көшеси, 30-жай, 2-қабат, 45-хана. Тел./факс: 244-14-28, 244-12-51, www.mmf.uz, e-mail; fonduzҒumail.uz .


Sa'ne: 14.10.2016 18:55, 1178 ma'rte ko'rip shi'g'i'ldi'