Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ӨЗЛИДЕП СИЯСИЙ КЕҢЕСИНИҢ МӘЖИЛИСИ

Betti PDF ta'rizde ju'klep ali'w Betti PDF ta'rizde ju'klep ali'w (55 Kb)    Versiyasi'    Betti doc ta'rizde ju'klep ali'w (55 KB)

Пайтахтымызда Исбилерменлер ҳәрекети - Өзбекистан Либерал-демократиялық партиясы сиясий кеңесиниң гезектеги мәжилиси болып өтти.

 

Партия сиясий кеңесиниң атқарыў комитетиниң баслығы С.Турдиев ҳәм басқалар усы жылдың 4-декабрь күни болып өткен Өзбекистан Республикасы Президентин сайлаўдың нәтийжелерине тоқтап өтип, сайлаў миллий нызамшылығымыз талапларына және улыўма тән алынған халықаралық нормаларға сәйкес түрде ашық-айдынлық, жәриялылық, альтернативлик тийкарында өткенин айрықша атап өтти. Онда партиядан көрсетилген талабан Шавкат Мирзиёев сайлаўшылардың 88,61 процент даўысы менен Өзбекистан Республикасы Президенти лаўазымына сайланды.

Президентлик сайлаўда халқымыз жоқары сиясий белсендилик көрсетип, раўажланған демократиялық мәмлекетлердиң қатарынан орын алыў, ашық ҳәм әдалатлы жәмийет қурыў жолындағы стратегиялық мақсет және ўазыйпаларымыз әмелге асырылыўын даўам еттириў, елимиздеги тынышлықты ҳәм турақлылықты буннан былай да беккемлеў, адамлардың турмыс дәрежесин избе-из арттырып барыўдай ийгиликли реформаларымыздың избе-излиги ушын даўыс берди.

Мәжилисте бул сиясий илажда Исбилерменлер ҳәрекети - Өзбекистан Либерал-демократиялық партиясы мүнәсип қатнасқаны, партиядан көрсетилген талабанның сайлаўалды бағдарламасы халқымыздың кеўлинен терең орын алғаны және толық қоллап-қуўатланғаны, бул партияның барлық структуралық буўынларына, оның ҳәр бир белсендисине үлкен жуўапкершилик жүклейтуғыны атап өтилди.

Мәжилисте Конституциямыздың 98-статьясына тийкарланып, Өзбекистан Республикасы Бас министрине талабан көрсетиў мәселеси сиясий кеңес ағзалары тәрепинен ҳәр тәреплеме додаланды. Тийкарғы нызамымызға муўапық, Өзбекистан Республикасы Бас министрине талабан  Өзбекистан Республикасы Олий Мажлиси Нызамшылық палатасына сайлаўда ең көп депутатлық орынларын алған сиясий партия тәрепинен Өзбекистан Республикасы Президентине көрип шығыў ушын усынылады.

Додалаўлар даўамында атап өтилгениндей, Шавкат Мирзиёевтың сайлаўалды бағдарламасында алға қойылған мәселелерди турмысқа толық енгизиў көп жағынан ҳүкимет басшысына да байланыслы.

Додалаўлардың нәтийжесинде Өзбекистан Республикасы Президентине Бас министр лаўазымына Өзбекистан Республикасы Бас министриниң орынбасары лаўазымында ислеп киятырған Абдулла Ариповты талабан етип усыныў ҳаққында қарар қабыл етилди.

Мәжилисте «Камолот» жаслар жәмийетлик ҳәрекети орайлық кеңесиниң баслығы Б.@аниев, Олий Мажлис Нызамшылық палатасының депутаты К.Жумамуратова, Бердақ атындағы Қарақалпақ мәмлекетлик университетиниң ректоры М.Жуманов, Партияның Бухара ўәлаятлық кеңесиниң баслығы Ф.Аминов ҳәм басқалар Бас министр лаўазымына усынылып атырған талабан ҳаққында өз пикирлерин билдирди.

Мәжилисте Исбилерменлер ҳәрекети - Өзбекистан Либерал-демократиялық партиясы сиясий кеңесиниң ўәкиллигине киретуғын басқа да мәселелер көрип шығылды.

 

ӨзА 


Sa'ne: 13.12.2016 09:39, 616 ma'rte ko'rip shi'g'i'ldi'