Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ШЫН ЖҮРЕКТЕН ҚУТЛЫҚЛАЎЛАР

Betti PDF ta'rizde ju'klep ali'w Betti PDF ta'rizde ju'klep ali'w (59 Kb)    Versiyasi'    Betti doc ta'rizde ju'klep ali'w (59 KB)

Елимизде 2016-жыл 4-декабрь күни болып өткен сайлаўда Шавкат Мирзиёев Өзбекистан Республикасы Президенти болып сайланғаны мүнәсибети менен шет мәмлекетлердиң ҳәм ҳүкиметлердиң, халықаралық шөлкемлердиң басшыларынан, сырт елли белгили жәмийетлик ғайраткерлерден жақсы тилеклер билдирилген қутлықлаўлар келмекте.

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Ҳүрметли Шавкат Миромонович!

Сизди Өзбекистан Республикасы Президенти болып сайланғаныңыз бенен шын жүректен қутлықлайман.

Даўыс бериўдиң жуўмақлары жерлеслериңиз Сизиң елде социаллық-экономикалық турақлылықты тәмийинлеўге ҳәм халық абаданлығын арттырыўға қаратылған дөретиўшилик жумысларыңызды унамлы баҳалағанынан дәрек береди.

Беларусь - Өзбекистан бирге ислесиўин кеңейтиў бағдарында әмелий  сөйлесиўлерди ҳәм нәтийжели жумысларды биргеликте даўам еттириўден мәпдармыз.

Ҳүрметли Шавкат Миромонович, Сизге  беккем денсаўлық, Өзбекистан Республикасының абаданлығы ушын белгиленген барлық режелерди әмелге асырыўда, жоқары мәмлекетлик лаўазымда үлкен табыслар тилеймен.

Ҳүрмет пенен,

Александр ЛУКАШЕНКО,

Беларусь Республикасының Президенти

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Ҳүрметли Шавкат Миромонович!

Өзбекистан Республикасы Президенти болып сайланғаныңыз бенен шын жүректен қутлықлаўымды қабыл еткейсиз.

2016-жыл 4-декабрь күни болып өткен сайлаўда исенимли жеңиске ерискениңиз Өзбекистан халқы Сизге исенетуғынын ҳәм қоллап-қуўатлайтуғынын дәлиллейди. Сизиң басшылығыңызда Өзбекистан Республикасы буннан былай да турақлы  ҳәм избе-из раўажланатуғынына исенемен.

Сизиң Президент болып сайланғаныңыз Қырғызстан-Өзбекистан қатнасықларында жаңа бет ашыў ҳәм еллеримиз арасындағы әмелий сөйлесиўди Қырғызстан Республикасы менен Өзбекистан Республикасы арасында мәңги дослық ҳаққындағы шәртнама тийкарында өз-ара пайдалы бирге ислесиў руўхында избе-из даўам еттириў имканиятын буннан былай да кеңейтеди, деп үмит етемен.

Ҳүрметли Шавкат Миромонович, Сизге беккем денсаўлық ҳәм мәмлекетлик басшы сыпатындағы жумысыңызға табыслар, Өзбекистан халқына тынышлық ҳәм абаданлық тилеймен.

Ҳүрмет пенен,

Алмазбек АТАМБАЕВ

Қырғызстан Республикасы Президенти

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Сиз, Уллы Мәртебели Мырзаны Өзбекистан Республикасы Президенти болып сайланғаныңыз бенен шын жүректен қутлықлайман.

Сизиң Өзбекистан басшысы сыпатындағы жумысыңыз даўамында халықларымыздың мәплери жолында өз-ара байланыслардың еле де беккемленетуғынына беккем исенемиз.

Өзбекистанның буннан былай да раўажланыўы ҳәм абаданлығы, халқыңыздың айдын келешеги жолындағы жумысыңызға тасқын табыслар тилеймен.

Ҳүрмет пенен,

Қобус бин САИД,

Оман Султаны

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Уллы Мәртебели Мырза!

Сиз Уллы Мәртебели Мырзаның Өзбекистан Республикасы Президенти болып сайланғаныңыздан оғада қуўанышлыман. Усындай қуўанышлы демлерде Сизге ҳәм сиз арқалы пүткил Өзбекистан халқына өзимниң жақсы тилеклеримди жоллайман. Мен Өзбекистан Республикасы Сизиң тиккелей басшылығыңызда және де үлкен табысларды қолға киргизетуғынына ҳәм халқыңыздың барлық уллы мақсетлери жүзеге шығатуғынына исенемен.

Сизге беккем денсаўлық ҳәм бахыт-ығбал, Өзбекистан халқына мәңги тынышлық, раўажланыў ҳәм  абаданлық тилеймен.

Сизге болған жоқары ҳүрмет-иззетимди қабыл еткейсиз.

Абдул ҲАМИД,

Бангладеш Халық Республикасы Президенти

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Уллы Мәртебели Мырза!

Сизди Өзбекистан Республикасы Президенти болып сайланғаныңыз бенен шын жүректен қутлықлайман. ЕҚБШ менен Өзбекистан арасында тығыз бирге ислесиў жолға қойылған ҳәм Сизиң басшылығыңызда өз-ара пайдалы қатнасықларды буннан былай да раўажландыратуғынымызға исенемен.

Бүгин бәршемиз қәўипсизлик бағдарында көплеген глобал қәўиплер менен жүзбе-жүз киятырғанымызда ЕҚБШ регионында тынышлықты ҳәм турақлылықты беккемлеў жолындағы бирге ислесиўимиз даўам ететуғынына исенемен. ЕҚБШ Өзбекистанда өзиниң принциплери менен миннетлемелерин әмелге асырыўды даўам еттириўге таяр.

ЕҚБШ ның Демократяилық институтлар ҳәм инсан ҳуқықлары бойынша бюросы Өзбекистанға Президент сайлаўын бақлаў миссиясын әмелге асырыўға мирәт етилгени ушын өз миннетдаршылығымды билдириўге руқсат еткейсиз. Сиз ЕҚБШ ның Демократиялық институтлар ҳәм инсан ҳуқықлары бойынша бюросы менен әмелий бирге ислесиўди даўам еттиретуғыныңызға исенемен.

Өзбекистанның Орайлық Азия ҳәм, улыўма, ЕҚБШ мәканында тынышлықты және турақлылықты беккемлеўге салмақлы үлес қосып атырғанын ҳәм шөлкемниң жумысында буннан былай да белсене қатнасыўын қоллап-қуўатлаймыз. Бул мәселелерди Сиз бенен додалаў имканияты пайда болыўын күтип қаламан.

Уллы Мәртебели Мырза, Сизге болған жоқары ҳүрметимди қабыл еткейсиз.

Ҳүрмет пенен,

Ламберто ЗАНЬЕР,

ЕҚБШ Бас хаткери

Қутлықлаўлардың келиўи даўам етпекте


Sa'ne: 15.12.2016 11:00, 363 ma'rte ko'rip shi'g'i'ldi'