Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ШЫН ЖҮРЕКТЕН ҚУТЛЫҚЛАЎЛАР

Betti PDF ta'rizde ju'klep ali'w Betti PDF ta'rizde ju'klep ali'w (63 Kb)    Versiyasi'    Betti doc ta'rizde ju'klep ali'w (63 KB)

 

Елимизде 2016-жыл 4-декабрь күни болып өткен сайлаўда Шавкат Мирзиёевтиң Өзбекистан Республикасы Президенти болып сайланыўы мүнәсибети менен шет мәмлекетлерден ҳәм ҳүкиметлерден, халықаралық шөлкемлердиң басшыларынан, шет еллердиң белгили жәмийетлик ғайраткерлеринен шын жүректен тилеклер билдирилген қутлықлаўлар келмекте.

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Уллы Мәртебели Мырза!

Сиз, Уллы Мәртебели Мырзаны Өзбекистан Республикасы Президенти болып сайланғаныңыз мүнәсибети менен шын жүректен қутлықлаўға рухсат еткейсиз.

Бүгинги күнге шекем Сиз Уллы Мәртебели Мырза Өзбекистан Республикасының Бас министри сыпатында мәмлекеттиң ишки сиясатын басқарып келдиңиз. Уллы Мәртебели Мырза, Сизиң басшылығыңызда Өзбекистан бунан былай да жедел раўажланады, бул өз гезегинде пүткил Орайлық Азия регионының турақлылығы ҳәм абаданлығына үлкен үлес болып қосылады.

Биринши Президент Ислам Кәримовтың басламасы менен Япония ҳәм Өзбекистан арасында дипломатиялық қатнасықлар орнатылғанлы берли еки тәреплеме байланысларымыз дослық ҳәм өз-ара қолайлық орталығында даўам етпекте. Өзбекистанға өткен жылы келгенимде Сиз Уллы Мәртебели Мырза мени шын жүректен күтип алғаныңыз ҳәм пүткил сапарым даўамында жанымда болғаныңыз мен ушын үлкен бахыт болды. Япон әскерлери мәңги жерленген орынды зиярат етиў, Наўайы атындағы театрға барыў, еслеў кешесиндеги концертке қатнасыў сапарымды оғада байытты ҳәм жеке өзимде умытылмас тәсир қалдырды. Усы мүнәсибет пенен Сизге және бир мәрте шын жүректен миннетдаршылығымды билдириўге рухсат еткейсиз. Сиз Уллы Мәртебели Мырза менен жақын бирге ислесиўде еллеримиз арасындағы дослық қатнасықларын буннан былай да раўажландырыў тәрепдарыман. Буннан тысқары, «Орайлық Азия+Япония» сәўбети шеңберинде пүткил Орайлық Азия менен бирге ислесиўди раўажландырыўға таярмыз.

Сиз Уллы Мәртебели Мырзаға беккем денсаўлық ҳәм үлкен табыслар, Өзбекистан халқына бахыт ҳәм абаданлық тилеп қаламан.

Шын жүректен ҳүрмет пенен,

Шиндзо АБЭ,

Япония Бас министри

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Уллы Мәртебели Мырза!

Сизге Өзбекистан Республикасы Президенти болып сайланғаныңыз мүнәсибети менен ең жақсы тилеклеримди жоллаўдан қуўанышлыман.

Сизиң исенимли жеңисиңиз Өзбекистан халқының басшылық қәбилетиңизге сөзсиз исениминен дәрек береди. Бул Сизиң узақты гөзлеген басшылығыңызда Өзбекистан Республикасының социаллық-экономикалық раўажланыўда ерискен үлкен табысларының тән алыныўы болып табылады.

Пакистан ҳәм Өзбекистанды туўысқанлық ҳәм дослық мүнәсибети бирлестиреди. Еллеримиз көп жыллар даўамында кең шеңбердеги мәселелер бойынша өз-ара байланыслардың жоқары дәрежесине ерискен. Жақын ҳәм шын жүректен қуралған қатнасықларымыз халықларымыздың ҳәм еллеримиздиң мәплери ҳәм абаданлығы жолында буннан былай да беккемленип баратуғынына исенемен.

Пурсаттан пайдаланып, Сиз Уллы Мәртебели Мырзаға беккем денсаўлық ҳәм үлкен табыслар, Өзбекистан халқына тынышлық, раўажланыў ҳәм абаданлық тилеймен.

Уллы Мәртебели Мырза, Сизге болған жоқары ҳүремтимди қабыл еткейсиз.

Мамнун ХУСАЙН,

Пакистан Ислам Республикасы Президенти

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Ҳүрметли Президент Мырза!

Польша халқының ҳәм жеке өзимниң атымнан Сизди Өзбекистан Республикасы Президенти болып сайланғаныңыз мүнәсибети менен шын жүректен қутлықлайман.

Польша Өзбекистанда, соның ишинде, кейинги айларда Сизиң басшылығыңызда экономиканы ҳәм жәмийетти реформалаў бағдарында әмелге асырылған жумысларды ҳүрмет пенен атап өтеди. Президент Мырза, Сизге Өзбекистанда турақлылықты ҳәм қәўипсизликти бунна былай да беккемлеўдеги ҳәм халықтың турмыс дәрежесин арттырыўдағы жумысларыңызда табыслар тилеймен.

Польша өз-ара бирге ислесиўмизди және де беккемлеўден мәпдар. Усы мүнәсибет пенен 2017-жылда Польша — Өзбекистан Экономикалық бирге ислесиў бойынша ҳүкиметлераралық комиссиясының нәўбеттеги мәжилиси болып өтиўи ҳәм усы мәжилис өз-ара экономикалық қатнасықларымыздың жағдайын ҳәм перспективаларын додалаў ушын жақсы имканият болатуғынына үмит етемен.

Сизге усы жыл 9-ноябрьде жоллаған хатыңыз ҳәм жоқары дәрежедеги сапарлар алмасыўы ҳаққындағы мирәтиңиз ушын миннетдаршылық билдиремен. Президент Мырза, Өзбекистан Республикасы ҳәм оның халқының абаданлығы жолындағы жуўапкершиликли жумысыңызда үлкен табыслар ҳәм беккем денсаўлық тилеген шын жүректен жоллаған тилеклеримди қабыл еткейсиз.

Ҳүрмет пенен,

Анджей ДУДА,

Польша Республикасы Президенти

 

Өзбекистан Республикасының сайланған Президенти

Уллы Мәртебели Мырза Шавкат Мирзиёевқа

Ҳүрметли Шавкат Миромонович!

Сизди Өзбекистан Республикасы Президенти сайлаўындағы жеңисиңиз бенен шын жүректен қутлықлайман. Сиз ерискен табыс Өзбекистан халқының елиңиздеги тынышлық, абаданлық ҳәм раўажланыў жолын избе-из даўам еттириўге деген исенимли қарарынан дәрек береди.

Армения — Өзбекистан арасындағы мәмлекетлераралық қатнасықларға буннан былай да жедел пәт бағышлаўдан Армения мәпдар екенин тастыйықлайман. Өз-ара байланысларымыздың потенциалын толық жүзеге шығарыў халықларымыздың ҳәм еллеримиздиң мәплерине хызмет ететуғынана исенемен.

Сиясий сәўбетлесиў, саўда-экономикалық ҳәм гуманитарлық байланысларды раўажландырыў мақсетинде Сизди, ҳүрметли Шавкат Миромонович, Армения Республикасына рәсмий сапар менен келиўиңиз ушын мирәт етемен.

Ҳүрметли Шавкат Миромонович, Сизге жоқары мәмлекетлик лаўазымдағы жумысыңызда табыслар, Өзбекистан халқына тынышлық ҳәм абаданлық тилеймен.

Ҳүрмет пенен,

Серж САРГСЯН,

Армения Республикасы Президенти

 

Сондай–ақ, төмендегилер өз қутлықлаўларын жоллаған:

Аўғанстан Ислам Республикасы ҳүкимети Атқарыў кеңесиниң баслығы-доктор Абдулла Абдулла

Россия Федерациясы Федерал Мәжилиси Федерация Кеңеси Баслығының орынбасары – Ильяс Умаханов

Россия Федерациясы Мәмлекетлик Думасының Халықаралық жумыслар бойынша комитетиниң баслығы – Леонид Слуцкий

«Российские железные дороги» ААЖ президенти, ҒМДАға ағза мәмлекетлердиң Темир жол транспорты бойынша кеңесиниң баслығы – Олег Белозеров

Европа Парламенти депутаты – Херберт Дорфманн

Ногая университети президенти – Сеичи Мацуо

«ЛУКОЙЛ» нефть-газ компаниясы перзиденти – Вагит Алекперов

«Боинг - пуқаралық самолётлары» компаниясы президенти ҳәм бас атқарыўшы директоры, «Боинг» корпорациясы вице-президенти – Рэймонд Коннер

Улыўма кәсиплик аўқамлары Конфедерациясы бас хаткери – Владимир Шербаков

«Клаас» компаниясы бақлаў кеңесиниң баслығы – Катрина Клаас Мюлхойзер

«Клаас» компаниясы басқармасы ағзасы – Ян-Хендрик Мор

«Мир» мәмлекетлераралық телерадиокомпаниясының баслығы – Радик Батиршин

Қутлықлаўлардың келиўи даўам етпекте.


Sa'ne: 15.12.2016 11:01, 352 ma'rte ko'rip shi'g'i'ldi'