Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


«ҲАЯЛ-ҚЫЗЛАР ҲӘМ ЖАСЛАРДЫҢ МӘПИН СӘЎЛЕЛЕНДИРЕТУҒЫН МКШ ЖУМЫСЫН СӘЎЛЕЛЕНДИРГЕН ЕҢ ЖАҚСЫ ҒХҚ ҲӘМ ЖУРНАЛИСТ» ТАҢЛАЎЫ ҲАҚҚЫНДА

Betti PDF ta'rizde ju'klep ali'w Betti PDF ta'rizde ju'klep ali'w (66 Kb)    Versiyasi'    Betti doc ta'rizde ju'klep ali'w (66 KB)

«Елимизде демократиялық реформаларды буннан былай да тереңлестириў ҳәм пуқаралық жәмийетин раўажландырыў Концепциясы»нда белгиленген ўазыйпаларды әмелге асырыў, «Саламат ана ҳәм бала жылы» Мәмлекетлик бағдарламасының орынланыўын тәмийинлеў, МКШлердиң пуқаралық жәмийетиниң басқа да институтлары, мәмлекетлик ҳәкимият ҳәм басқарыў уйымлары менен ҳаял-қызлар ҳәм жаслардың мәплерин қорғаў, көмеклесиў, сондай-ақ, олардың арасында саламат турмыс тәризин үгит-нәсиятлаўға қаратылған илажларды әмелге асырыўда ҒХҚ қатнасын ҳәм ролин арттырыў, журналистлерди хошаметлеў арқалы пуқаралық жәмийетин қәлиплестириў саласындағы мәмлекетлик сиясатты сәўлелендириўге көмеклесиў мақсетинде Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды,  Өзбекистан Мәмлекетлик емес коммерциялық емес шөлкемлери миллий ассоциациясы менен биргеликте «Ҳаял-қызлар ҳәм жаслардың мәплерин сәўлелендиретуғын МКШ жумысын сәўлелендирген ең жақсы ҒХҚ ҳәм журналист» таңлаўын жәриялайды.

Таңлаўда қатнасыў ушын төмендеги ҳүжжетлерди усыныў лазым:

– Өзбекистан Мәмлекетлик емес коммерциялық емес шөлкемлерин қоллап- қуўатлаў жәмийетлик фонды яки Өзбекистан Мәмлекетлик емес коммерциялық емес шөлкемлери миллий ассоциациясының атына таңлаўда қатнасыў ушын еркин хат;

– редакциялар ушын – ҒХҚларында (газета, журнал ҳәм сайт (порталларында) 2016-жыл даўамында ҳаял-қызлардың ҳәм жаслардың мәплерин сәўлелендиретуғын МКШ жумысын сәўлелендирген дөретиўшилик жумыслар дизиминиң тексти ямаса нусқасы (соның ишинде, электрон түринде);

– журналистлер ушын – ҒХҚларында (газета, журнал ҳәм сайт (порталларында) 2016-жыл даўамында ҳаял-қызлардың ҳәм жаслардың мәплерин сәўлелендиретуғын МКШ жумысын сәўлелендирген дөретиўшилик жумыслар дизиминиң тексти ямаса нусқасы (соның ишинде, электрон түринде);

– ҳаял-қызлардың ҳәм жаслардың мәплерин сәўлелендирген МКШлердиң социаллық шериклиги үлгисин сәўлелендириўге бағдарланған мақаланың газетада, журналда, сайтта жәрияланғанын тастыйықлаўшы баспа, электрон баспаның мағлыўматнамасы.

Сыйлықлар:

биринши орынға:

– «Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик және мәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» редакцияларға – компьютер комплекти ҳәм биринши дәрежели диплом;

«Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик және мәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» дүркин мақалалар журналистине – компьютер комплекти ҳәм биринши дәрежели диплом.

екинши орынға:

«Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик жәнемәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» ең жақсы редакцияға – планшет ҳәм екинши дәрежели диплом;

«Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик және мәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» дүркин мақалалар журналистине – планшет ҳәм екинши дәрежели диплом.

үшинши орынға:

«Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик және мәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» ең жақсы редакцияға – фотоаппарат ҳәм үшинши дәрежели диплом;

«Ҳаял-қызлар ҳәм жаслардың мәплерин сәўлелендиретуғын ҳәм бул бағдарда мәмлекетлик және мәмлекетлик емес коммерциялық емес шөлкемлериниң социаллық шериклик қатнасықларының раўажланыўын сәўлелендирген» дүркин мақалалар журналистине – фотоаппарат ҳәм үшинши дәрежели диплом.

Таңлаў шеңберинде ҳәр қыйлы номинациялар бойынша да сыйлық ийелери анықланыўы ҳәм сыйлықланыўы мүмкин.

Буннан тысқары, таңлаў қатнасыўшыларына ҳәм жеңимпазларына басқа да қәўендерлердиң сыйлықлары да тапсырылыўы мүмкин.

Ҳүжжетлер усы дағаза ҒХҚда жәрияланған күннен баслап 2016-жыл 23-декабрь саат 17.00 ге шекем қабыл етиледи.

Таңлаўда елимизде жумыс ислеп атырған баспа ҒХҚ, журналистлер, МКШ ўәкиллери ҳәм Өзбекистан Республикасының пуқаралары қатнасыўы мүмкин.

Таңлаў ҳүжжетлери Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды ҳәм Өзбекистан Мәмлекетлие емес коммерциялық емес шөлкемлери милий ассоциациясы тәрепинен төмендеги мәнзилде қабыл етиледи: Ташкент қаласы, 100049, Әмир Темур проспекти, 14-жай, (Яки uznntfond@umail.uz, uz.nntma@umail.uz, upzero1992@yandex.ru электрон почтасына).

Ҳүжжетлерди қабыл етиўде почта штемпелиндеги жибериў сәнеси яки келтирип өтилген электрон почта мәнзилине келип түскен сәне итибарға алынады. Ҳүжжетлер тиккелей тапсырылғанда арзалар Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды яки Өзбекистан Мәмлекетлик емес коммерциялық емес миллий ассоциациясында шемби ҳәм екшембиден тысқары ҳәр күни саат 9.00 ден 18.00 ге шекем қабыл етиледи.

Барлық ҳүжжетлер Time! New Roman шрифтинде, 14 кеглде рәсмийлестирилиўи лазым.

Таңлаўда қатнасыў ушын қосымша мағлыўматларды www.nntfond.uz ҳәм www.ngo.uz сайты яки +99871 233-52-41; 233-35-26; 233-24-92 телефон номерлери арқалы алыў мүмкин.

 

Таңлаўдың шөлкемлестириўшилик комитети

 

 

 

«2016-ЖЫЛДЫҢ ЕҢ ЖАҚСЫ СОЦИАЛЛЫҚ ӘҲМИЙЕТКЕ ИЙЕ ЖОЙБАРЫ» ТАҢЛАЎЫ ҲАҚҚЫНДА

    

«Саламат ана ҳәм бала жылы» Мәмлекетлик бағдарламасының орынланыўын тәмийинлеў, МКШлерди пуқаралық жәмийетиниң басқа да институтлары, мәмлекетлик ҳәкимият ҳәм басқарыў уйымлары менен денсаўлықты сақлаў, қоршаған орталықты қорғаў, халықты, соның ишинде, ҳаял-қызларды ҳәм жасларды жумыс пенен тәмийинлеў, халықтың қорғаўға мүтәж қатламларын социаллық қорғаў салаларында ҳәм усы сыяқлы социаллық әҳмийетке ийе басқа да мәселелерди шешиўге бағдарланған жойбарлардың, мәмлекетлик бағдарламалардың орынланыўын тәмийинлеўдеги нәтийжели социаллық шерикликти анықлаў, МКШлердиң бул бағдардағы жумысын хошаметлеў ҳәм ғалаба ен жайдырыў мақсетинде Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды, Өзбекистан Мәмлекетлик емес коммерциялық емес шөлкемлери миллий ассоциациясы менен биргеликте «2016-жылдың ең жақсы социаллық әҳмийетке ийе жойбары» таңлаўын жәриялайды.

Таңлаўда қатнасыў ушын төмендеги ҳүжжетлерди усыныў лазым.

1. Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды яки Өзбекистан Мәмлекетлик емес коммерциялық емес шөлкемлери миллий ассоциациясының атына еркин түрдеги хат.

2. Шөлкемниң әдиллик ведомстволарында дизимге алынғанлығы ҳаққындағы гүўалықтың нусқасы.

3. Өзбекистан Мәмлекетлик емес коммерциялық емес шөлкемлери миллий ассоциациясына ағзалығын тастыйықлайтуғын мағлыўматнама (ӨзМКШМАна ағза болған болса).

4. Шөлкемниң социаллық әҳмийетке ийе мәселелерге байланыслы әмелий тәжирийбеси (Әмелге асырылған жойбарды ҳәм әмелге асырылған жумысларды тастыйықлайтуғын ҳүжжетлердиң электрон түрдеги есабаты).

5. Әмелге асырылған жойбардың ҒХҚда сәўлелениўи (Районлық, ўәлаятлық, республикалық ҳәм шет ел медиа қуралларында жәрияланған мақалалардың, телекөрсетиўлердиң, веб-материаллардың дизими ҳәм нусқасы).

Сыйлықлаў түри:

биринши орынға – компьютер комплекти;

екинши орынға – телевизор;

үшинши орынға – фотоаппарат;

Сондай-ақ, ҳәр қыйлы бағдарлар бойынша хошаметлеўши дипломлар, сертификатлар ҳәм баҳалы сыйлықлар тапсырылады.

Таңлаўға ҳүжжетлер 2016-жылдың 23-декабрине шекем қабыл етиледи.

Таңлаўға усынылатуғын ҳүжжетлер конверте (Аr форматта) яки электрон почта арқалы қабыл етиледи, ҳүжжетлер Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фондына, төмендеги мәнзилге жиберилиўи лазым: Ташкент қаласы, 100049, Әмир Темур проспекти, 14-жай, яки uznntfond@umail.uz, uz.nntma@umail.uz, upzero1992@yandex.ru электрон почтасына. Ҳүжжетлерди қабыл етиўде мүддетлер почта штемпелиндеги жибериў сәнеси яки электрон почта мәнзилине келип түскен сәне итибарға алынады. Тиккелей тапсырылған ҳүжжетлер Өзбекистан Мәмлекетлик емес коммерциялық емес шөлкемлерин қоллап-қуўатлаў жәмийетлик фонды офисинде шемби ҳәм екшембиден тысқары ҳәр күни саат 9.00 ден 17.00 ге шекем қабыл етиледи.

Барлық ҳүжжетлер Time! New Roman шрифтинде, 14 кеглде рәсмийлестирилиўи лазым.

Таңлаўда қатнасыў ушын қосымша мағлыўматларды www.nntfond.uz ҳәм www.ngo.uz сайты яки +99871 233-52-41; 233-35-26; 233-24-92 телефон номерлери арқалы алыў мүмкин.

 

 

Таңлаўдың шөлкемлестириўшилик комитети


Sa'ne: 15.12.2016 11:05, 233 ma'rte ko'rip shi'g'i'ldi'