Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қарақалпақстан Республикасы Министрлер Кеңесиниң мәлимлемеси

Betti PDF ta'rizde ju'klep ali'w Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Өзбекистан Республикасы Президентиниң 2017-жыл 28-февральдағы «2017-жылғы Наўрыз улыўмахалықлық байрамына таярлық көриў ҳәм оны өткериў ҳаққында»ғы қарарына муўапық Қарақалпақстан Республикасы Министрлер Кеңесиниң арнаўлы қарары қабыл етилди.

Быйылғы Наўрыз байрамының өзгешелиги соннан ибарат, Нөкис қаласында ҳәм бәрше район ҳәм аўыллық жерлерде байрам улыўмахалықлық сейиллери түринде өткериледи. Байрам ушын көркем өнер ҳәм дөретиўшилик хызметкерлериниң арнаўлы сценарийлери таярланған. Байрам тамашаларына фольклор топарлары, көркем ҳәўескерлик жәмәәтлери, дәрўазлар, цирк артистлери, шаңарақлық ансамбллер, бақсы-жыраўлар, шайырлар, сондай-ақ, профессионал атқарыўшылар ҳәм талантлы эстрада артистлери кеңинен тартылады.

Сейил бағдарламаларына халық ойынлары, фольклор сәниятының ең жақсы үлгилери, халқымыздың жүрек төринен терең орын алған, ертеден киятырған үрп-әдет, дәстүрлер, изги инсаный туйғыларды өзинде жәмлеўши нама-қосықлар киргизилген.

Нөкис қаласында байрам илажлары 6 жерде өткериледи:
18-март күни Бердақ атындағы Қарақалпақ мәмлекетлик университетинде;
21-март күни Савицкий атындағы музей әтирапындағы майданда;

«Истиқлол» балалар ҳәм мәдений дем алыў бағында;

Жаслар орайы ҳәм Дослық каналы бойында;

Әжинияз атындағы Нөкис мәмлекетлик педагогика институтында;

Нөкис темир жол вокзалы майданында.

Қарақалпақстан Республикасының бәрше аймақларында “Наўрыз” байрамы улыўмахалықлық сейиллери 21-март күни саат 10.00дан 17.30ға шекем өткериледи.

 

Қарақалпақстан Республикасы Министрлер Кеңеси Мәлимлеме хызмети

 


Sa'ne: 12.03.2017 13:54, 180 ma'rte ko'rip shi'g'i'ldi'