Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


КРОСС ЖЕНИМПАЗЛАРЫ ЫЛАЙЫКЛЫ СЫЙЛЫКЛАНДЫ

Betti PDF ta'rizde ju'klep ali'w Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Жақында Елликқала районының орайы Бостан қаласында орта арнаўлы кәсиплик билимлендириў мәкемелери ҳәм улыўма билим бериў мектеплери оқыўшылары арасында кросс бойынша жарыс болып өтти. Илаж район оқыўшы жаслары арасында саламат турмыс тәризин кеңнен үгит-нәсиятлаў, жаслардың өз-ара мәдений-спорт байланысларын жолға қойыў ҳәм жоқары нәтийжелерге ерисиўин тәмийинлеў мақсетинде шөлкемлестирилди. 
Кескин ҳәм қызықлы өткен кросс жарысына 286 жас өспирим ҳәм қыз балалар, сондай-ақ, олардың оқытыўшылары қатнасты. 
Жарыс жуўмағында 10-12 жастағы қызлар арасында Б.Шакисламова, Қ.Хожимухамова, Ш.Мадраимова, ер балалар арасында Е.Ибраҳимбаев, А.Абдуғаниев, А.Рузимбаев, 13-15 жастағы қызлар арасында Х.Юсипова, Г.Қуранбаева, М.Октяброва, ер балалар арасында Ш.Латипбаев, О.Нурманов, С.Шерматов, 16-17 жастағы қызлар арасында Бостан қаласындағы социал-экономикалық кәсип-өнер колледжиниң оқыўшысы Ў.Илясова, 10-санлы улыўма билим бериў мектебиниң оқыўшысы Р.Кўпалова, Бостан көркем-өнер ҳәм педагогика кәсип-өнер колледжиниң оқыўшысы Ш.Хакимова, ер балалар арасында Турмыс хызметин көрсетиў кәсип өнер колледжиниң оқыўшысы О.Раззоқбергенов, Бостан социал-экономикалық кәсип-өнер коледжиниң оқыўшылары Ж.Эгамбергенов ҳәм С.Умбетов, сондай-ақ, 61-санлы орта мектептиң биринши класс оқыўшысы Н.Оразымбетова ҳәм 50 жасқа шыққан 51-санлы орта мектептиң муғаллими Қ.Сапаев биринши орынды жеңип алыўға миясар болды. 
Жарыс жеңимпазлары шөлкемлестириўшилер ҳәм «Камолот» жаслар жәмийетлик ҳәрекети районлық кеңеси тәрепинен таярланған диплом ҳәм сыйлы саўғалар менен сыйлықланды. 

Қарақалпақстан хабар агентлиги


Sa'ne: 18.04.2017 10:19, 333 ma'rte ko'rip shi'g'i'ldi'