Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


КАРХАНА ИСКЕ ТУСТИ

Betti PDF ta'rizde ju'klep ali'w Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Бурын хабар етилгениндей, Өзбекистан Республикасы Президенти Ш.М.Мирзиёевтың усы жыл 20-21-январь күнлери үлкемизге сапары даўамында аймақты социаллық-экономикалық жақтан және де раўажландырыў бойынша белгилеп берген ўазыйпалары өзиниң унамлы нәтийжелерин бермекте. Усы мақсетте 2017-2018-жылларға белгиленген комплексли бағдарламалар ислеп шығылды. Өткен қысқа дәўир ишинде пайтахтымызда ҳәм бир қатар районларда санаат кәрханаларының қурылысы баслап жиберилди. Быйылғы жылдың өзинде 1 триллион 326 миллиард сумлық қаржы есабынан 2235 жойбарды әмелге асырыў режелестирилмекте. Елбасшымыздың усындай итибары ҳәм қоллап-қуўатлаўларынан дурыс нәтийже шығарған жас исбилермен Парахат Жолмағамбетов Нөкис районы аймағынан қурылыс ушын зәрүрли компонетлердиң бири ҳәк ислеп шығарыўды нийет етип, қысқа ўақыт ишинде кәрхананы иске түсириўге еристи. 
Суткасына 15-17 тонна өним ислеп шығаратуғын бул кәрханада 18 адамның бәнтлиги тәмийинленди. Жумысшылар ушын барлық қолайлықлар жаратылып, олар ыссы аўқат пенен тәмийинленип, мийнет хақылары ўақтында берилип атыр. 
- Ҳәзирги ўақытта кәрханамыз толық қуўатлылықта ислемекте. Бул ушын 1 миллиард сумнан аслам қаржы жумсалды, -дейди «Нурсултан Алёна» жуўапкершилиги шекленген жәмийетиниң баслығы П.Жолмағамбетов. – Суткасына 15-17 тонна ҳәк ислеп шығылып, өнимлер қурылыс кәрханаларына сатылмақта. Ҳәк пенен бирге бул жерде брусчаткалар да ислеп шығарылады. Өнимлеримизге талап күшли екенин есапқа алып, кәрханамызды және де кеңейтип, өним түрлерин көбейтиўди режелестирип отырмыз.
Кәрхананың иске түсирилиўи мүнәсибети менен бул жерде мәресим болып, онда район ҳәкимлиги, мәпдар мәкеме ҳәм кәрханалардың ўәкиллери, аймақта жасаўшы нураний ақсақаллар шығып сөйлеп, кәрхананың районды социаллық-экономикалық раўажландырыўда тутатуғын орнының үлкен әҳмийетке ийе екенин айрықша атап өтти. 
 

Қарақалпақстан хабар агентлиги


Sa'ne: 18.04.2017 10:21, 526 ma'rte ko'rip shi'g'i'ldi'