Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


САЛТАНАТЛЫ ТУРДЕ ТАПСЫРЫЛДЫ

Betti PDF ta'rizde ju'klep ali'w Betti PDF ta'rizde ju'klep ali'w (54 Kb)    Versiyasi'    Betti doc ta'rizde ju'klep ali'w (54 KB)

Өзбекистан Республикасы Президентиниң усы жыл 4-апрельдеги «Екинши жер жүзилик урыс қатнасыўшыларын хошаметлеў ҳаққында»ғы пәрманы, «Еслеў ҳәм қәдирлеў күнине таярлық көриў ҳәм оны өткериў илажлары ҳаққында»ғы қарарының орынланыўын тәмийинлеў бағдарында республикамызда кең көлемли жумыслар әмелге асырылмақта. Усындай мақсетте Екинши жер жүзилик урыс қатнасыўшыларына «Өзавтосанаат» акционерлик жәмийети тәрепинен GM Uzbekistan қоспа кәрханасында ислеп шығарылып атырған ҳәр қандай түрдеги автомашинаны бир мәрте гезексиз алыў ҳуқықын бериўши сертификатлар берилмекте. Республикамыздағы урыс қатнасыўшыларына да усы сертификатлар салтанатлы түрде тапсырылды.
Қарақалпақстан Республикасы Министрлер Кеңесиниң Баслығы Қ.Сариев Беруний, Төрткүл, Елликқала районларындағы Екинши жер жүзилик урыс қатнасыўшылары менен ушырасты. Урыс ветеранларына көрсеткен ерлиги ушын миннетдаршылық билдирип, беккем денсаўлық тиледи. Оларға сертификатлар, район ҳәкимликлери тәрепинен баҳалы саўғалар тапсырылды.
Қарақалпақстан Республикасы Жоқарғы Кеңеси Баслығының орынбасары А.Ҳамраев Хожели, Шоманай, Қанлыкөл, Қоңырат районларында жасайтуғын урыс қатнасыўшыларының шаңарақларында болып, оларға елимизде ислеп шығарылып атырған ҳәр қандай түрдеги автомашинаны гезексиз алыў ҳуқықын беретуғын сертификатларды салтанатлы түрде тапсырды. 
-Бундай ғамқорлығы ушын Президентимизге шексиз миннетдаршылық билдиремиз,-дейди Екинши жер жүзилик урыс қатнасыўшысы Режеп Қурбанмедов.-Елимиз тыныш, аспанымыз ашық, перзентлеримиз бахытлы болсын.
Салтанатлы илаж республикамыздың барлық қала, районларында өткерилип, урыс қатнасыўшылары менен сәўбетлесиўлер шөлкемлестирилди ҳәм оларға сертификатлар тапсырылды. 
Бизиң бүгингидей бахытлы турмысымызда бул теберик инсанлардың қаншелли машақатлы мийнети, мәртлик ислери бар екенлигин бәршемиз жақсы билемиз. Сонлықтанда оларға терең ҳүрмет-иззет көрсетиў, мүнәсип хошаметлеў ҳәр биримиздиң әдиўли миннетимиз болып табылады 

Д.АБИБУЛЛАЕВ,
Қарақалпақстан хабар агентлигиниң хабаршысы.


Sa'ne: 18.04.2017 10:29, 433 ma'rte ko'rip shi'g'i'ldi'