Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


BILIMLENDIRIW SISTEMASI JAN`A BASQIShQA O`TPEKTE

Betti PDF ta'rizde ju'klep ali'w Betti PDF ta'rizde ju'klep ali'w (56 Kb)    Versiyasi'    Betti doc ta'rizde ju'klep ali'w (56 KB)

O`zbekistan Respublikası  Ministrler Kabinetinin` usı jıl             6-aprel`degi «Ulıwma orta bilim beriw ha`m orta arnawlı, ka`sip-o`ner bilimlendiriwdin` ma`mleketlik bilimlendiriw standartların tastıyıqlaw haqqında»g`ı ha`m 15-marttag`ı «Ulıwma orta bilim beriw haqqındag`ı nızamdı tastıyıqlaw haqqında»g`ı qararları bilimlendiriw tarawında tu`pkilikli o`zgerislerdi ju`zege shıg`ardı. Bilimlendiriw tarawı bag`darındag`ı elimizde a`melge asırılıp atırg`an reformalar jan`a basqıshqa endi.

Qaraqalpaqstan Respublikası Xalıq bilimlendiriw ministrligi ta`repinen barlıq qalalıq ha`m rayonlıq Xalıq bilimlendiriw bo`limlerinde usı jıl 22-25-avgust ku`nleri o`tkerilgen da`stu`riy Avgust ken`eslerinde tiykarg`ı itibar usı nızam hu`jjetlerinde ko`rsetilgen ma`selelerge qaratıldı.

Bilimlendiriw ma`kemelerin qurıw, rekonstruktsiyalaw, iri on`law, zamanago`y oqıw-laboratoriya u`skeneleri, komp`yuter texnikası ha`m oqıw-metodikalıq qollanbalar menen  ta`miyinlew boyınsha jumıslardı a`melge asırıw arqalı olardın` materiallıq-texnikalıq bazasın bekkemlew, mektepke shekemgi bilimlendiriw ma`kemeleri tarmag`ın ken`eytiw, balalardın` intellektuallıq, estetikalıq ha`m fizikalıq rawajlanıwı ushın usı ma`kemelerdegi sharayatlardı tu`p-tiykarınan jaqsılaw, balalardı mektepke shekemgi  bilimlendiriw menen qamtıp alıw ko`lemin ken`eytiw ha`m onın` qolaylılıqların ta`miyinlew, pedagoglardın` ha`m qa`nigelerdin` bilim da`rejesin arttırıw, ulıwma orta bilim beriwdin` sapasın jaqsılaw, shet tiller, informatika, matematika, fizika, ximiya, biologiya sıyaqlı talap joqarı bolg`an pa`nlerdi teren`lestirilgen tu`rde u`yreniw, balalardın` sport penen  g`alaba tu`rde shug`ıllanıwına, muzıka ha`m ko`rkem o`nerge dıqqatın qaratıw maqsetinde jan`a balalar sportı ob`ektlerin, balalar muzıka ha`m ko`rkem o`ner mekteplerin qurıw,  barların rekonstruktsiyalaw, bilim beriw ha`m oqıtıwdın` sapasın bahalawdın` xalıqaralıq standartların engiziw tiykarında joqarı bilim ma`kemeleri belsendiliginin` na`tiyjeliligin arttırıw, ilim-izertlew ha`m innovatsiya iskerligin xoshametlew, ilimiy ha`m innovatsiya jetiskenliklerin a`meliyatqa engiziwdin` na`tiyjeli mexanizmlerin jaratıw sıyaqlı ko`plegen wazıypalar o`z na`wbetinde ha`r bir xızmetkerden 2017-2018-oqıw jılında g`ayrat penen islewin, pidayılıqtı talap etedi.

Bul avgust ken`eslerinde taraw xızmetkerlerinin` aldına ko`plegen wazıypalar qoyıldı.

Sektsiya jıynalıslarında, erisken jetiskenlikler menen birge  xalıq penen o`tkizilgen ushırasıwlarda bildirilgen usınıslar tiykarında  bilimlendiriwdi rawajlandırıwdı ta`miyinlewge itibar qaratıw, kompetentsiyalıq qatnasıqlarg`a tiykarlang`an  ma`mleketlik  bilimlendiriw standartları, oqıw bag`darlamaları, sabaqlıqlardag`ı o`zgerislerdi ha`r bir pedagog xızmetkerge jetkeriw, Xalıq bilimlendiriw ministrligi baslaması menen o`tkerilgen baslawısh bilim beriw mug`allimleri, ta`biyg`ıy ha`m anıq pa`nler, ja`miyetlik pa`nler, a`meliy pa`nler boyınsha oqıtıwshılardın` Respublika forumı usınısları ha`m yanvar` ayınan usı ku`nge shekem sho`lkemlestirilgen (ta`biyg`ıy ha`m anıq pa`nler, ja`miyetlik, a`meliy pa`nler) bag`darındag`ı  videoseminarlardın` materiallarının` mazmun-ma`nisin ha`r bir oqıtıwshıg`a jetkeriw boyınsha tiykarg`ı bag`darlar belgilep alındı.

Sonday-aq, olarda ulıwma orta bilim beriwdin` jan`a Ma`mleketlik bilimlendiriw standartların basqıshpa-basqısh a`meliyatqa engiziw, O`zbekistan Respublikası Ministrler Kabinetinin` 2017-jıl 15-marttag`ı «Ulıwma orta bilim beriw haqqındag`ı Rejeni tastıyıqlaw haqqında»g`ı qararın a`meliyatqa engiziw, bilimlendiriw ma`kemelerinde ruwxıy-ag`artıwshılıq-ta`rbiya jumısların ele de na`tiyjeli sho`lkemlestiriw  sıyaqlı ma`seleler dodalanıp, pikir-usınıslar bildirildi.

Sektsiya jıynalıslarında, bilimlendiriw protsesine engiziletug`ın oqıw reje, oqıw bag`darlaması ha`m sabaqlıqtag`ı o`zgerisler pedagog xızmetkerlerge jetkerilip, mug`allimlerge xabar kommunikatsiya texnologiyaları elektron resurslar ha`m multimedia qurallarınan paydalanıw boyınsha usınıslar berildi.

– O`tkerilgen Avgust ken`eslerinde «Ta`lim-ta`rbiya sapasın ta`miyinlew – bas wazıypamız!» su`reni astında xalıq bilimlendiriw tarawı xızmetkerlerinin` juwapkershiligin ha`m iskerligin arttırıw,             2016-2017-oqıw jılı juwmaqları boyınsha o`tkerilgen bilim beriw sapası monitoringi, pa`n Olimpiadaları, bilimler bellesiwlerinde oqıwshılardın` bilimlerinde anıqlang`an boslıqlar ha`m olardı toltırıw boyınsha usınıslar berilip, mug`allimlerdin` ka`siplik sheberligin arttırıw, aldın`g`ı ta`jiriybelerdi en jaydırıw arqalı jan`a oqıw jılında ta`lim-ta`rbiya sapasın ele de arttırıw boyınsha baslı wazıypalardı belgilep alıw tiykarg`ı maqset etip qoyıldı,-deydi Qaraqalpaqstan Respublikası XBM Respublikalıq oqıw-metodikalıq orayının` bo`lim baslıg`ı Q.Jubanov.

Oqıwlar juwmaqlang`annan son` qatnasıwshılar menen o`z-ara sa`wbetlesiwler sho`lkemlestirildi ha`m olardın` usınısları tın`lanıp, bu`gingi ku`n talabınan kelip shıg`ıp tiyisli wazıypalar belgilendi.

A`.Jiyemuratov,

Qaraqalpaqstan xabar agentliginin` xabarshısı.


Sa'ne: 31.08.2017 08:49, 104 ma'rte ko'rip shi'g'i'ldi'