Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


O`ZBEKISTAN HA`M TU`RKIYA PREZIDENTLERININ` TELEFON ARQALI SO`YLESIWI HAQQINDA

Betti PDF ta'rizde ju'klep ali'w Betti PDF ta'rizde ju'klep ali'w (52 Kb)    Versiyasi'    Betti doc ta'rizde ju'klep ali'w (52 KB)

O`zbekistan Respublikası Prezidenti Shavkat Mirziyoev 1-sentyabr` ku`ni Tu`rkiya Respublikasının` Prezidenti Rejep Tayyip Erdwg`on menen telefon arqalı so`ylesti.

Tu`rkiya Prezidenti Rejep Tayyip Erdwg`on Tu`rkiya xalqının` ha`m o`zinin` atınan ma`mleketimiz basshısın ja`ne ko`p milletli O`zbekistan xalqın Watanımız g`a`rezsizliginin` 26 jıllıg`ı ha`m mu`ba`rek Qarban haytı menen shın ju`rekten qutlıqladı.

O`zbekistan Prezidenti shın ju`rekten qutlıqlag`anı ushın teren` minnetdarshılıq bildirip, barlıq musılmanlardın` mu`ba`rek bayramı mu`na`sibeti menen Tu`rkiya basshısına ha`m tuwısqan tu`rk xalqına tınıshlıq, abadanlıq ha`m rawajlanıw tiledi.

Eki ma`mleket basshılarının` 2016-jıl noyabr` ayında Samarqand qalasında ha`m bıyılg`ı jıldın` may ayında Pekin qalasında bolıp o`tken na`tiyjeli ushırasıwları barlıq salalarda o`z-ara qatnasıqlardın` bunnan bılay da jedellesiwinde u`lken a`hmiyetke iye bolg`anı qanaatlanıwshılıq penen atap o`tildi.

Ha`r qıylı da`rejedegi baylanıslardın` jedelleskeni, o`z-ara isenimge tiykarlang`an a`meliy ruwxtag`ı siyasiy pikirlesiwdin` rawajlanıp atırg`anı atap o`tildi.

Sawda-ekonomikalıq ha`m investitsiyalıq birge islesiw sapa jag`ınan jan`a basqıshta rawajlanbaqta.

Bu`gingi ku`nde o`z-ara sawda-satıqtın` ko`lemi turaqlı artıp atırg`anı baqlanbaqta. O`zbekistan menen Tu`rkiyanın` jetekshi kompaniyalarının` qatnasıwında zamanago`y joqarı texnologiyalı ka`rxanalardı sho`lkemlestiriw ha`m infrastrukturanı modernizatsiyalaw boyınsha perspektivalı joybarlardı a`melge asırıw boyınsha a`meliy jumıslar alıp barılmaqta.

Ma`deniy-gumanitarlıq birge islesiwdin` ko`lemi sezilerli da`rejede ken`eydi, bilimlendiriw menen densawlıqtı saqlaw salalarındag`ı baylanıslar rawajlanbaqta.

Ma`mleket basshıları bolajaq joqarı da`rejedegi ushırasıwlar eki dos xalıqtın` arasındag`ı qatnasıqlardı bunnan bılay da bekkemlewge, ken` ko`lemli ha`m ha`r ta`repleme O`zbekistan – Tu`rkiya sherikligin teren`lestiriwge xızmet etetug`ınına isenim bildirdi.

O`zA

 

Sa'ne: 05.09.2017 16:05, 114 ma'rte ko'rip shi'g'i'ldi'