Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


8-SENTYABR`GE SHEKEM MUZEY EKSPOZITSIYALARIN BIYPUL TAMASHALAW MU`MKIN

Betti PDF ta'rizde ju'klep ali'w Betti PDF ta'rizde ju'klep ali'w (51 Kb)    Versiyasi'    Betti doc ta'rizde ju'klep ali'w (51 KB)

4-sentyabr` ku`ni Qaraqalpaqstan Respublikası I.V.Savitskiy atındag`ı Ma`mleketlik ko`rkem o`ner muzeyinde bolıp o`tken «Muzeyler ha`pteligi»nin` ashılıw saltanatında muzey direktorı G.Izentaeva2-8-centyabr` aralıg`ında muzey ekspozitsiyaların biypul tamashalaw mu`mkinligi haqqında ma`lim etti.

Ha`ptelik tiykarınan  2-8-sentyabr` ku`nleri muzeydin` jan`adan ashılg`an imaratında o`tkeriledi.

Ha`ptelik dawamında muzey ta`pepinen bir qatar ilajlar o`tkeriliwi ku`tilmekte. Atap aytqanda, ha`ptelik dawamında muzey nuranıyları A.Pirnazarova, V.Sıcheva ha`m G.Galiulinalar menen ushırasıw o`tkeriledi.

7-sentyabr` ku`ni Qaraqalpaqstan xalıq xudojnigi B.Serekeevtın` tuwılg`anına 75 jıl tolıwına baylanıslı «Watandı jırlap» atamasında jeke ko`rgizbesi sho`lkemlestirilip, onda xudojniktin` o`mir jolı ha`m o`miri dawamında do`retken ha`r tu`rli janrdag`ı do`retpelerin tamashalaw mu`mkin.

«Muzeyler ha`pteligi»nin` juwmaqlawshı ku`ninde xudojnikleri menen No`kis qalalıq 1-sanlı Esjan baqsı atındag`ı,  12-sanlı A`met baqsı atındag`ı balalar muzıka ha`m ko`rkem o`ner mekteplerinin` oqıwshıları menen ushırasıp, olarg`a kartina jaratıw sırları, jivopistin` o`zgeshelikleri «Ustaz-sha`kirt» sabag`ı arqalı u`yretiw rejelestirilmekte.

 

 

Ta`rbiya SEYTNAZAROVA,

 Qaraqalpaqstan xabar agentligi xabarshısı


Sa'ne: 05.09.2017 16:06, 109 ma'rte ko'rip shi'g'i'ldi'