Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


O`ZBEKISTAN RESPUBLIKASI OLIY MAJLISI JANINDAG`I JA`MIYETLIK FOND TAN`LAW JA`RIYALAYDI

Betti PDF ta'rizde ju'klep ali'w Betti PDF ta'rizde ju'klep ali'w (55 Kb)    Versiyasi'    Betti doc ta'rizde ju'klep ali'w (55 KB)

O`zbekistan Respublikası Oliy Majlisi janındag`ı ja`miyetlik fond «Ha`reketler strategiyasın a`melge asırıwda puqaralardın` erkinliklerin, nızamlı huqıqları menen ma`plerin ta`miyinlewde ja`miyetlik sherikliktegi joybarlardı qollap-quwatlaw» temasında ma`mleketlik grantlar ajıratıw ushın qosımsha tan`law JA`RIYaLAYDI

Tan`lawg`a ma`mleketlik emes kommertsiyalıq emes sho`lkemler, g`alaba xabar quralları ha`m puqaralıq ja`miyetinin` basqa da institutlarının` to`mendegi maqsetlerdi na`zerde tutqan ja`miyetlik a`hmiyetke iye joybar buyırtpaları qabıl etiledi:

  1. «G`a`rezsizlik, en` da`slep, huqıq», «A`dillik – nızam u`stinliginde», «Xalıqtın` mu`ra`jatları – turaqlı itibarda» su`renleri astında nızam hu`jjetlerinin` orınlanıwı u`stinen ja`miyetlik qadag`alawdın` na`tiyjeli mexanizmlerin ornatıw.
  2. Ma`mleketlik uyımlarda mu`ra`jatlar menen islesiw sistemasın jetilistiriw, insan huqıqların, erkinlikleri menen nızamlı ma`plerin ta`miyinlew.
  3. «Ma`mleketlik uyımlar xalıq xızmetinde» su`reni astında ja`miyette huqıqıy ma`deniyattı ha`m xalıqtın` sana-sezimin arttırıwg`a, nızamg`a hu`rmet, huqıqbuzarlıqlarg`a qarsı sezimdi ku`sheytiwge ko`meklesiw.
  4. Ha`reketler strategiyasının` anıq na`tiyjelerin ja`ne liberallastırıw protsesslerin ken`nen sa`wlelendiriwge qaratılg`an materiallardı tayarlaw ha`m basıp shıg`arıw.
  5. Jaslar ha`m hayal-qızlardın`, mayıp ja`ne kekse jastag`ı shaxslardın` a`hmiyetli mashqalaların sheshiwge qaratılg`an birgeliktegi rejeler menen bag`darlamalardı a`melge asırıw.
  6. Ja`miyette sotsialıq xızmet ko`rsetiwdin` ko`lemin ken`eytiw, ma`mleketlik uyımlar, puqaralardın` o`zin-o`zi basqarıw uyımları menen birgelikte ma`ha`llelerdin` abadanlıg`ın ta`miyinlew.
  7. Awıllıq rayonlarda jan`a jumıs orınların sho`lkemlestiriwde, sotsiallıq ha`m turmıslıq infrastrukturanı jaratıwda, xalıqtın` turmıs da`rejesi menen sapasın arttırıwda puqaralardın` ja`miyetlik belsendiligin arttırıw.
  8. Analıqtı ha`m balalıqtı qorg`awg`a, shan`araq institutın bekkemlewge, salamat ha`m ba`rkamal a`wladtı ta`rbiyalawg`a ko`meklesetug`ın kompleksli ilajlardı a`melge asırıw, mayıp balalardın` du`n`yag`a keliwinin` aldın alıwdı ku`sheytiw.
  9. Kepillikli meditsinalıq xızmet ko`rsetiw u`stinen ja`miyetlik qadag`alawdın` na`tiyjeli mexanizmi menen innovatsiyalıq usılların engiziw.
  10. Densawlıqtı saqlaw ma`kemelerinde ja`miyetlik qadag`alawdı qa`liplestiriw, zamanago`y texnikalar menen texnologiyalardan paydalang`an halda olardın` jumıs sapasın tu`p-tiykarınan jaqsılawg`a ko`meklesiw.
  11. Shan`araqta salamat ortalıqtı jetilistiriw, babalarımızdın` ruwxıy-a`dep-ikramlılıq miyrasın u`git-na`siyatlaw, erte ha`m jaqın tuwısqanlar arasındag`ı nekelerdin` aldın alıw, qa`yinene ha`m kelin qatnasıqların bekkemlew.
  12. Unamsız minez-qulıqqa meyil bolg`an jaslar menen hayal-qızlardın` ruwxıy-a`dep-ikramlılıq profilaktikasın ja`ne ja`miyetke beyimlesiwin ku`sheytiwde MKSh, o`zin-o`zi basqarıw uyımları, bilimlendiriw ha`m meditsina ma`kemelerinin` sotsialıq sherikligin arttırıw.

Ma`mleketlik grant ajıratılıwı ushın to`mendegi hu`jjetlerdi usınıw za`ru`r:

  1. Sho`lkem basshısı ta`repinen qol qoyılg`an ha`m mo`r menen tastıyıqlang`an jollama xatı.
  2. www.fundngo.uz veb-saytında ornalstırılg`an tu`rde toltırılg`an ma`mleketlik grant joybarı ushın arza.
  3. Son`g`ı o`zgerisler ha`m qosımshalar menen ma`mleketlik dizimnen o`tken ma`mleketlik emes kommertsiyalıq emes ha`m puqaralıq ja`miyetinin` basqa da institutlarının` Ustavı
  4. Sho`lkemnin` ma`mleketlik dizimnen o`tkenligi haqqındag`ı gu`walıg`ının` nusqası.
  5. Eger joybardı a`melge asırıw litsenziyalanatug`ın jumıstı talap etse, onda litsenziyanın` nusqası usınıladı.
  6. 3,4- ha`m 5-ba`ntlerde ko`rsetilgen hu`jjetler basshı ta`repinen qol qoyılg`an ha`m sho`lkemnin` mo`ri menen tastıyıqlang`an bolıwı sha`rt.
  7. Ma`pdar ma`mleketlik ha`m ja`miyetlik sho`lkemlerdin` o`tinishleri, usınıs xatları qosımsha etiliwi mu`mkin.

Bir joybar ushın ajıratılatug`ın grant mug`darı – 25 million sumg`a shekem.

Hu`jjetler 2017-jıldın` 12-sentyabrinen 12-oktyabr`ge shekem qabıl etiledi.

Hu`jjetler «O`zbekistan pochtası» arqalı O`zbekistan Respublikası Oliy Majlisi janındag`ı Ma`mleketlik emes kommertsiyalıq emes sho`lkemlerdi ha`m puqaralıq ja`miyetinin` basqa da institutların qollap-quwatlaw ja`miyetlik fondının` atına jiberiletug`ın mo`rlengen konvertlerde (A4 formatta) to`mendegi ma`nzil boyınsha qabıl etiledi: 10016, Tashkent qalası, Islam Ka`rimov ko`shesi, 43-u`y.

Hu`jjetlerdi usınıw sha`rtleri ha`m u`lgileri menen oliy Majlis janındag`ı ja`miyetlik fondtın` www.fundngo.uz  ra`smiy veb-saytında tanısıw mu`mkin.

Mag`lıwmat ushın telefonlar: (0-371) 239–26–76, 239–26–64.


Sa'ne: 15.09.2017 15:29, 134 ma'rte ko'rip shi'g'i'ldi'