Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


O`ZBEKISTAN RESPUBLIKASI OLIY MAJLISI JANINDAG`I JA`MIYETLIK FOND TATIWLIQ TEMASINA ARNALG`AN TAN`LAW JA`RIYALAYDI

Betti PDF ta'rizde ju'klep ali'w Betti PDF ta'rizde ju'klep ali'w (55 Kb)    Versiyasi'    Betti doc ta'rizde ju'klep ali'w (55 KB)

O`zbekistan Respublikası Oliy Majlisi janındag`ı ja`miyetlik fond

«Ja`miyette milletleraralıq ha`m puqaralar aralıq tatıwlıqtı, o`z-ara awızbirshilik ha`m doslıq ortalıg`ın saqlawg`a ha`m bekkemlewge qaratılg`an joybarlardı qollap-quwatlaw» temasında ma`mleketlik grant ajıratıw ushın tan`law

JA`RIYaLAYDI

Tan`lawg`a ma`mleketlik emes kommertsiyalıq emes sho`lkemler, g`alaba xabar quralları ha`m puqaralıq ja`miyetinin` basqa da institutlarının` to`mendegi sotsiallıq a`hmiyetke iye maqsetlerin na`zerde tutatug`ın joybar buyırtpaları qabıl etiledi:

  1. Jaslarg`a o`zbek xalqının` ruwxıy baylıqlarına hu`rmet penen qarawdı, xalqımızdın` da`stu`rlerin ha`m u`rp-a`detlerin, biybaha tariyxıy miyrasın saqlaw ja`ne rawajlandırıw sezimin sin`diriw.
  2. 2. Ma`mleketimizde jumıs alıp barıp atırg`an diniy konfessiyalar, elimizde jasap atırg`an milletler menen xalıqlar arasında tınıshlıqtı ha`m turaqlılıqtı ta`miyinlew boyınsha O`zbekistan ta`jiriybesin u`git-na`siyatlawg`a ja`ne g`alaba en jaydırıwg`a bag`ıshlang`an radioesittiriwler ha`m teleko`rsetiwler tayarlaw.
  3. Respublikada doslıqtı ja`ne tatıwlıqtı bunnan bılay da bekkemlewdi u`git-na`siyatlaw, barlıq puqaralarg`a olardın` milletine, dinine ha`m isenimine qaramastan, ten` huqıqlar ha`m imkaniyatlar jaratıw.
  4. Tu`rli milletlerdin` wa`killeri arasında kewil qalıspaqlar ha`m kelispewshilikler kelitirip shıg`aratug`ın ekstremistlik ja`ne radikal ideyalar menen ideologiyalardın` tarqalıwının` aldın alıw boyınsha a`meliy ilajlar ko`riw.
  5. Internet tarmag`ında shet tillerde O`zbekistan xalıqlarının` bay ma`deniy-tariyxıy miyrasın sa`wlelendirip beretug`ın o`zine ta`n resurslar jaratıw.
  6. O`zbekistannın` tariyxı, ma`deniyatı ha`m ko`rkem o`neri, ullı shaxsları, g`a`rezsizlik jıllarında ja`miyetlik turmıstın` tu`rli salalarında respublikada erisilgen jetiskenlikler haqqındag`ı ma`limlemeni shet tillerde tayarlaw ha`m Internet tarmag`ına ornalastırıw.
  7. Elimiz ma`deniyatının`, ko`rkem o`nerinin`, a`debiyatının` ayqın u`lgileri, O`zbekistandag`ı arxitekturalıq ha`m tariyxıy estelikler, YuNESKO Pu`tkilja`ha`n ma`deniy miyrası dizimine kirgizilgen ob`ektler haqqındag`ı ma`limlemeni shet elli auditoriyag`a jetkeriw.
  8. Shet elliler arasında O`zbekistan xalıqlarının` tariyxın ha`m ma`deniyatın g`alaba en jaydırıwg`a qaratılg`an tu`rli tan`lawlar sho`lkemlestiriw ha`m o`tkeriw, olarda O`zbekistan xalıqlarının` tariyxıy-ma`deniy miyrasına, ja`miyette milletleraralıq ha`m puqaralararalıq tatıwlıqtı, awızbirshilikti ja`ne doslıq ortalıg`ın bekkemlew bag`darındag`ı ta`jiriybesine qızıg`ıwshılıq oyatıw.
  9. O`zbekistanda jasap atırg`an tu`rli millet ha`m xalıqlardın` o`zine ta`n milliy da`stu`rlerin, u`rp-a`detlerin saqlaw ja`ne rawajlandırıw, ja`miyette milletleraralıq tatıwlıqtı bekkemlew boyınsha O`zbekistanda a`melge asırılıp atırg`an ilajlar haqqında xalıqaralıq ja`miyetshilikti xabardar etiw.
  10. O`zbekistannın` sırtqı ha`m ishki siyasatının` tiykarg`ı ta`replerin, a`melge asırılıp atırg`an siyasiy-huqıqıy ha`m sotsiallıq-ekonomikalıq reformalardın` na`tiyjelerin sa`wlelendiretug`ın qalıs ha`m isenimli ma`limlemeni inglis ja`ne basqa da shet tillerde tarqatıw maqsetinde Internet tarmag`ında arnawlı saytlar islep shıg`ıw ha`m jaratıw.
  11. Biyg`a`rez g`alaba xabar qurallarında O`zbekistan xalıqlarının` da`stu`rlerine ha`m ma`deniyatına bag`ıshlang`an maqalalar, gu`rrin`ler, ocherkler ha`m basqa da baspa materiallardı basıp shıg`arıw, hu`jjetli, tariyxıy ha`m ag`artıwshılıq fil`mler, teleko`rsetiwler, radioesittiriwler tayarlaw ha`m efirge jetkerip beriw.
  12. G`a`rezsizlik jıllarında ja`miyetlik turmıstın` tu`rli tarawlarında tınıshlıqtı ha`m turaqlıqtı saqlaw bag`darında ko`rilgen izbe-iz ilajlardın` na`tiyjelerin u`git-na`siyatlaw.

Ma`mleketlik grant ajıratılıwı ushın to`mendegi hu`jjetlerdi usınıw za`ru`r:

  1. Sho`lkem baslıg`ı ta`repinen qol qoyılg`an ha`m mo`r menen tastıyıqlang`an usınıs xatı;
  2. www.fundngo.uz veb-saytına jaylastırılg`an tu`rde toltırılg`an ma`mleketlik grant ushın arza;
  3. Son`g`ı o`zgerisler ha`m qosımshalar menen ma`mleketlik dizimnen o`tken ma`mleketlik emes kommertsiyalıq emes sho`lkemler ha`m puqaralıq ja`miyetinin` basqa da institutlarının` Ustavı (Rejesi)nın` nusqası;
  4. Sho`lkemnin` ma`mleketlik dizimnen o`tkenligi haqqındag`ı gu`walıqtın` nusqası;
  5. Eger joybardı a`melge asırıw litsenziyalanatug`ın jumıstı talap etse, onda litsenziyanın` nusqası usınıladı.
  6. 3, 4 ha`m 5-ba`ntlerde ko`rsetilgen hu`jjetler bashının` qol tan`bası ha`m sho`lkemnin` mo`ri menen tastıyıqlang`an bolıwı sha`rt.
  7. Ma`pdar ma`mleketlik ha`m ja`miyetlik sho`lkemlerdin` usınıs xatları, o`tinishleri qosımsha etiliwi mu`mkin.

Bir joybar ushın ajıratılatug`ın grant mug`darı – 25 million sumg`a shekem.

Hu`jjetler 2017-jıl 12-centyabrden 12-oktyabr`ge shekem qabıl etiledi.

Hu`jjetler «O`zbekistan pochtası» arqalı O`zbekistan Respublikası Oliy Majlisi janındag`ı Ma`mleketlik emes kommertsiyalıq emes sho`lkemlerdi ha`m puqaralıq ja`miyetinin` basqa da institutların qollap-quwatlaw ja`miyetlik fondının` atına jiberiletug`ın mo`rlengen konvertlerde (A4 formatta) to`mendegi ma`nzil boyınsha qabıl etiledi: 100163, Tashkent qalası, Islam Ka`rimov  ko`shesi, 43-jay.

Hu`jjetlerdi usınıw sha`rtleri ha`m u`lgileri menen Oliy Majlis janındag`ı ja`miyetlik fondtın` 222.fundngu.uz ra`smiy veb-saytında tanısıw mu`mkin.

Mag`lıwmat ushın telefonlar: (0-371) 239–26–76,  239–26–64


Sa'ne: 15.09.2017 15:43, 133 ma'rte ko'rip shi'g'i'ldi'