Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


«BOLAJAQ PROKURORLAR KLUBI» JUMIS BASLADI

Betti PDF ta'rizde ju'klep ali'w Betti PDF ta'rizde ju'klep ali'w (51 Kb)    Versiyasi'    Betti doc ta'rizde ju'klep ali'w (51 KB)

Berdaq atındag`ı Qaraqalpaq ma`mleketlik universitetinde «Prokuratura organları ha`m joqarı bilim beriw ma`kemelerinin` yuridik kadrlardı tayarlaw barısındag`ı sherikliginin` jan`a da`wiri» atamasında prokuratura hızmetkerlerinin` universitet studentleri menen ushırasıwında studentlerdin` prokuratura organlarında jumıs u`yreniwin sistemalı tu`rde sho`lkemlestiriw ha`m a`melge asırıw maqsetinde ja`miyetshilik tiykarında ha`reket ju`rgizetug`ın «Bolajaq prokurorlar klubı» sho`lkemlestirilgenligi haqqında ma`lim etildi.

Usı ushırasıwda Tashkent ma`mleketlik yuridika universiteti, O`zbekistan ja`ha`n ekonomikası ha`m diplomatiya universiteti ha`m Berdaq atındag`ı Qaraqalpaq ma`mleketlik universiteti arasında yuridika tarawına kadrlardı tayarlaw barısındag`ı sheriklik xaqqındag`ı memorandumg`a qol qoyıldı ha`m usı memorandum tiykarında reje qabıl etildi.

Ushırasıwda klub ag`zalıg`ına prokuratura organlarında islewdi qa`lewshi 2-3 ha`m 4-basqısh bakalavr ha`m magistratura studentleri sa`wbetlesiw tiykarında bilim da`rejesi, du`n`yag`a ko`zqarası ha`m, onın` shaxsı u`yrenilgen jag`dayda qabıl etildi ha`m sektorlarg`a bo`linip jumıs alıp bardı.

Klub ag`zaları oqıw jılı dawamında oqıw paytınan bos waqıtları nızamlardın` orınlanıwı u`stinen prokurorlıq baqlawdı a`melge asırıw, jınayat xaqqındag`ı arza ha`m xabarlardı ko`rip shıg`ıwda qatnasıw, jınayat islerinde da`slepki tergewdi alıp barıw, fizikalıq ha`m yuridikalıq shaxslardın` shag`ımların ko`rip shıg`ıw, sud protsesinde tayarlıq ko`riw ha`m qatnasıw imkaniyatına iye boladı.

Qaraqalpaqstan xabar agentligi


Sa'ne: 15.09.2017 16:07, 149 ma'rte ko'rip shi'g'i'ldi'