Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ХАЛЫҚАРАЛЫҚ ВАЛЮТА ҚОРЫНЫҢ БИЙЛИК БЕРИЎШИ ДИРЕКТОРЫ КРИСТИН ЛАГАРДТЫҢ БИЛДИРИЎИ

Betti PDF ta'rizde ju'klep ali'w Betti PDF ta'rizde ju'klep ali'w (52 Kb)    Versiyasi'    Betti doc ta'rizde ju'klep ali'w (52 KB)

Халықаралық валюта қорының бийлик бериўши директоры Кристин Лагард 19-сентябрь күни Өзбекистан Республикасы Президенти Шавкат Мирзиёев пенен ушырасыўдан соң төмендегише билдирди:

«Мен Өзбекистан Президенти Шавкат Мирзиёев пенен ушырасқанымнан оғада қуўанышлыман. Өзбекистан басшылығы кең көлемли реформаларды әмелге асырмақта. Бул, бәринен бурын, жақында әмелге асырылған валютаны тәртипке салыў системасындағы өзгерислерге тийисли болып табылады. Биз экономиканы беккемлеў, буннан былай да көп жумыс орынларын жаратыў, турақлы ҳәм комплексли раўажланыўға ерисиўде үлкен әҳмийетке ийе бул басламаларды қоллап-қуўатлаймыз.

Мен Президент Шавкат Мирзиёевты қоңсылас еллер менен регионаллық бирге ислесиўди жақсылаўға байланыслы басламалары менен қутлықлайман. Регионаллық бирге ислесиў суў ресурсларынан биргеликте пайдаланыў, нәтийжели регионаллық энергетика системасын жаратыў ҳәм транспортты раўажландырыў сыяқлы ири машқалаларды шешиўде жүдә әҳмийетли орын ийелейди.

Өзбекистандағы реформалар процеси узақ даўам етеди ҳәм бул аңсат болмайды. Мен экономикалық өсимниң буннан былай да жоқары пәтлерге ерисиў ҳәм халықтың турмыс абаданлығын арттырыў жолында Халықаралық валюта қоры Өзбекистан менен тығыз бирге ислесиўге таяр екенин тастыйықлайман».

ӨзА     


Sa'ne: 21.09.2017 11:13, 117 ma'rte ko'rip shi'g'i'ldi'