Qoraqalpog'iston Respublikasi Vazirlar Kengashi

Qoraqalpog'iston Respublikasining Davlat hukumat portali


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz


Sahifani PDF tarzda yuklab olish Sahifani PDF tarzda yuklab olish (66 Kb)    Versiyasi    Sahifani doc tarzda yuklab olish (66 KB)

ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕНЕСИНИҢ ҚАРАРЫ

Улыўма аўқатланыў өнимлерин арнаўлы ажыратылған орынларда сатыў тәртибин тастыйықлаў ҳаққында

 

Өзбекистан Республикасы Министрлер Кабинетиниң 2003-жыл 13-февральдағы “Өзбекистан Республикасында усақлап сатыў қағыйдаларын ҳәмде Өзбекистан Республикасында улыўма аўқатланыў өнимлерин (хызметлерин) ислеп шығарыў ҳәм сатыў қағыйдаларын тастыйықлаў ҳаққында”ғы 75-санлы қарары (Ўзбекистон Республикаси қонун ҳужжатлари тўплами, 2003 й., 3-сон, 27-модда) ҳәм Өзбекистан Республикасы “Жергиликли мәмлекетлик ҳәкимият ҳаққында”ғы Нызамының 6-статьясына тийкар Қарақалпақстан Республикасы аймағында улыўма аўқатланыў өнимлерин арнаўлы ажыратылған орынларда сатыў тәртибин белгилеў мақсетинде Қарақалпақстан Республикасы Министрлер Кеңеси

 

Қ А РА Р  Е Т Е Д И:

 

1. Қарақалпақстан Республикасы аймағында улыўма аўқатланыў өнимлерин арнаўлы ажыратылған орынларда сатыў тәртиби (кейинги орынларда Тәртип деп жүргизиледи) қосымшаға муўапық тастыйықлансын.

2. Қарақалпақстан Республикасы Ишки ислер министрлиги (Бердиев), архитектура ҳәм қурылыс комитети (Турумбаев), Мәмлекетлик салық (Достанов), Мәмлекетлик ветеринария (Ережепов) басқармалары, Мәмлекетлик
санитария-эпидемиология бақлаў орайы (Қутлымуратов), Нөкис қаласы (Опаев) ҳәм район ҳәкимликлери усы Тәртипке сөзсиз әмел етилиўин тәмийинлесин.

3. “Еркин Қарақалпақстан” ҳәм “Вести Каракалпакстана” газеталары редакциясы (Реймов) ҳәм Қарақалпақстан Республикасы компьютерлестириў орайы мәмлекетлик унитар кәрханасы (Аширбеков) усы қарарды “Еркин Қарақалпақстан” ҳәм “Вести Каракалпакстана” газеталарында жәрияласын ҳәмде Қарақалпақстан Республикасы Министрлер Кеңесиниң рәсмий веб-сайтына жайластырсын.

4. Усы қарардың орынланыўын қадағлаў Қарақалпақстан Республикасы Министрлер Кеңеси баслығының орынбасары М.Мамутовқа жүклетилсин.

5. Бул қарар рәсмий жәрияланған күннен үш айдан кейин күшке киреди.

 

Қарақалпақстан Республикасы

Министрлер Кеңеси баслығы                                                Б.Янгибаев

 

 

Қарақалпақстан РеспублиЯкорькасы

Министрлер Кеңесиниң

2016-жыл «____»_________дағы

______-санлы қарарына

қосымша

 

Қарақалпақстан Республикасы аймағында улыўма
аўқатланыў өнимлерин арнаўлы ажыратылған орынларда сатыў
тәртиби

 

1. Усы тәртип мүлкшилик түрине ҳәм ведомстволық тийислилигине қарамастан, Қарақалпақстан Республикасы аймағында улыўма аўқатланыў тараўындағы барлық хожалық жүритиўши субъектлер искерлигине тийисли талапларды белгилейди.

2. Улыўма аўқатланыў тараўындағы хожалық жүритиўши субъект – бул улыўма аўқатланыў тараўында кулинария, сондай-ақ басқа азық-аўқат өнимлерин таярлаў, сатыў ҳәм қолланылыўын шөлкемлестириў ҳәмде хызметлер көрсетиў бойынша функцияларды атқарыўшы юридик шахс*.

3. Улыўма аўқатланыў кәрханасы белгиленген тәртипте дизимнен өткизилиўи, оның жайласқан орны қала ҳәм аўыллық халық жасаў пунктлериниң бас жобалары ҳәм аймақлық архитектуралық жойбаралары тийкарында Өзбекистан Республикасы Министрлер Кабинетиниң 2013-жыл 25-февралдағы 54-санлы қарары менен тастыйықланған “Қаласазлық искерлигин әмелге асырыў ушын халық жасаў пунктлеринде жер участкалары бериў, қурылыс объектлерин жойбарластырыў ҳәм дизимнен өткизиў, сондай-ақ объектлерди пайдаланыўға қабыллаў тәртиби ҳаққында”ғы Режеге муўапық қурылған, санитария ҳәм өрт қәўипсизлиги нормалары ҳәм талапларына жуўап беретуғын, хызмет көрсетиў залына, хызмет көрсетиў әсбап-үскенелерине ҳәмде товарларды сақлаў, сортларға ажыратыў имкәниятына ийе болыўы керек.

4. Саўда, қоймахана, ислеп шығарыў ҳәм ҳәкимшилик-турмыслық бинәларға, өним ислеп шығарыў әсбап-үскенелерине, технология режимлерине, сатыў ҳәм қолланылыўын шөлкемлестириўге, көрсетилетуғын хызметлерге қойылатуғын талаплар ҳәм критерилер әмелдеги техник регламентлер
яки стандартлар, санитария нормалары, техника қәўипсизлиги қағыйдалары, өрттен сақлаў ҳәм басқа талапларға муўапық белгиленеди.

5. Улыўма аўқатланыў субъекти тутыныўшыларға өзиниң толық аты, жумыс режими, усыныс етилетуғын өнимлер, товарлар ҳәм көрсетилетуғын хызметлер ҳаққындағы зәрүр ҳәм исенимли мағлыўматларды көргизбели ҳәм қолай формада жеткериўи шәрт, мағлыўматларда туўры таңлаў имкәниятын тәмийинлейтуғын кеминде төмендеги мағлыўматлар болыўы керек:

өнимлер ҳәм товарлар дизими;

улыўма аўқатланыў өнимлериниң таяр тағамлары порцияларының улыўма салмағы (көлеми), усынылып атырған ишимлик ыдысының сыйымлылығы ҳәм оның порциялары көлеми ҳаққындағы мағлыўматлар;

хызметлер дизими ҳәм оларды көрсетиў шәртлери;

хызметлербаҳасыҳәмолардытөлеўшәртлери.

6. Улыўма аўқатланыў кәрханаларының жумыс режими – мүлкшилик түрлерине қарамастан бийғәрез түрде, санаат кәрханалары, мәкемелер, оқыў орынлары жанындағы улыўма аўқатланыў кәрханаларыныӊ жумыс режими болса - ҳәкимшилик ҳәм кәсиплик аўқамы комитети менен келисилген ҳалда белгиленеди.

7. Товарларды сақлаў, өнимлерди ислеп шығарыў ҳәм сатыў менен байланыслы улыўма аўқатланыў кәрханасында ислейтуғын хызметкер арнаўлы таярлыққа ийе болыўы ҳәм төмендегилерге:

санитария-нормалары ҳәм талаплары;

өрттен сақлаў нормалары;

стандартлар талаплары;

техника қәўипсизлиги қағыйдалары менен танысқан болыўы ҳәм оларға әмел етиўи керек.

8. Официантлар хызмет көрсететуғын улыўма аўқатланыў объектлерине қарыйдарларды киргизиўди олардың жабылыўынан 30 минута лдын, өз-өзине хызмет көрсетиў усылы бойынша ислейтуғын улыўма аўқатланыў объектлеринде болса — олардың жабылыўынан 15 минут алдын тоқтатыўға жолқойылады.

9. Улыўма аўқатланыў кәрханасы қолланыўға рухсат етилген өлшеў үскенелерине ийе болыўы ҳәм оларды саз ҳалда сақлаўы, өз ўақтында
ҳәм белгиленген тәртипте метрологик тексериўден өткизиўи шәрт.

10. Барлық өлшеў қураллары, тартыў ҳәм өлшеў приборлары, көринип туратуғын исеним тамғасына яки “Ўзстандарт” агентлиги органларының әмел қылыў мүддети өтпеген тексериў гүўалығы таза, туўры орнатылған болыўы, белгиленген мақсетте қолланылыўы ҳәм де өлшеўлердиң бирден-бирлигин
ҳәм исенимлилигин тәмийинлеўи ҳәм тийисли паспортқа ийе болыўы керек. Насаз ҳәм қолланыўға рухсат етилмеген өлшеў қуралларынан пайдаланыў қадаған етиледи.

11. Улыўма аўқатланыў тараўында искерликти әмелге асырыўшы хожалық жүритиўши субъект аўқат ушын есап-китаплардың алдыннан төлеў, тағамлар таңланғаннан кейин төлеў, аўқатланып болғаннан кейин төлеў, өзи есаплаў сыяқлы түрли усылларыннан пайдаланыўы мүмкин. Аўқат ушын есап-китаплар формалары хызмет көрсетиў методына, хызмет көрсетилетуғын қарыйдар спецификасына, объект түрине ҳәм оның қәнигелескенлигине қарап белгиленеди.

12. Улыўма аўқатланыў субъекти тағамлар, өнимлер, ишимликлердиң ассортимент дизимин санитария ҳәм технология талапларына толық әмел қылыўды есапқа алған ҳалда бийғәрез түрде ислеп шығады, тағамлар рецептураларын дүзеди ҳәм тастыйықлайды.

13. Улыўма аўқатланыў искерлигинде төмендегилер қадаған етиледи:

Үй шараятында таярланған азық-аўқат, сол қатарда консерва, кондитерлик ҳәм басқа өнимлердиң сатылыўы, сондай-ақ консерва өнимлерин улыўма аўқатланыў орынларында таярланыўы ҳәм сақланыўы;

Сыпатын кепиллеўши ҳүжжетлери болмаған азық-аўқат өнимлеринен тағамлар таярланыўы ҳәм саўдаға шығарылыўы;

тез ҳәм аңсат бузылыўшы азық-аўқат өнимлерин суўытқышларсыз сақланыўы ҳәм сатылыўы;

ислеп шығарылған сәнеси ҳәм жарамлылық мүддети көрсетилмеген яки жарамлылық мүддети өткен өнимлердиң қабылланыўы ҳәм реализация етилиўи.

14. Усы Тәртипте белгиленген қағыйдалар талапларын орынламаған физикалық ҳәм юридикалық шахслар нызам ҳүжжетлерине муўапық жуўапкер болады.

* Бул түсиник улыўма аўқатланыў тараўында үй шараятларында яки жергиликли мәмлекетлик ҳәкимияты органлары қарары менен арнаўлы ажыратылатуғын орынларда аўқатланыў орынлары шөлкемлестирместен даналы тағамлардың айырым түрлерин таярлаў ҳәм сатыў бойынша хызметлер көрсетиўге тийисли емес.

 

 

 


Ko'rib chiqildi: 4950

Sahifalar