Спорттың еркин гүрес түри бойынша Өзбекстан миллий сайланды командасының ағзасы, спорт устасы.

2014-жылы Қытай Халық Республикасының Нанкин қаласында жас өспиримлер арасында болып өткен 88 жазғы Олимпия ойынларында 4-орынды, усы жылы 1998-2000-жылларда туўылған қызлар арасында өткерилген Өзбекстан чемпионатында 56 киолограмм салмақта 1-орынды, усы салмақ пенен 2015-жылы Ҳиндстан мәмлекетинде 2-орынды, Тайланд мәмлекетинде болып өткен Азия чемпионатында 52 килограмм салмақта 3-орынды  ийелеген.

2016-жылы Филиппин мәмлекетиниң Манила қаласында болып өткен Азия чемпионатының қатнасыўшысы. Усы жылы қызлар арасында Өзбекстан Республикасы чемпионатында 55 килограмм салмақта 1-орынды ийелеген. Өзбекстан спорт гүресшилери ассоциациясы тәрепинен жаслар арасында ҳаял-қызлар гүреси бойынша жылдың ең жақсы спортшысы дипломы, Қарақалпақстан Республикасы Жоқарғы Кеңесиниң Ҳүрмет жарлығы менен сыйлықланған.

Заманагөй мәлимлеме технологиялары бойынша да терең билимге ийе.

Көркем-өнер жөнелиси бойынша Утемуратова Наргиза Алиевна –  2001-жылы 27-апрельде Нөкис қаласында туўылған.

2010-2012-жыллары «Камалак юлдузлари» балалар дөретиўшилиги фестивалының, «Сен ёлғиз эмассан!» балалар форумының Республика басқышында, 2013-жылы «Кўҳна замин оҳанглари» телефестивалында миллий аяқ ойыны бойынша қатнасып, жеңимпаз болған.

2012-2013-жылларда Түркменстан Республикасында шөлкемлестирилген «Аваза дослық мекани» халықаралық балалар дөретиўшилиги фестивалының, 2017-жылы Москва қаласында болып өткен «Ethno Art-Fest» фестивалының миллий аяқ ойыны бойынша лауреаты болған. 2010-2012-2013-жылларда Өзбекстан Республикасындағы Корея елшиханасы тәрепинен шөлкемлестирилген «Корейс тили ҳәм мәденияты» форумында белсендилиги ушын сыйлықланған.

2017-жылы Ташкент қаласында болған «Ўзбегим» фестивалы қатнасыўшысы.

2016-жылы Өзбекстан «Миллий  тикланиш» демократиялық партиясы Қарақалпақстан Республикасы Кеңеси тәрепинен шөлкемлестирилген «Ең шебер әййемги дәстүрий музыка атқарыўшысы» номинациясы жеңимпазы.

Сондай-ақ, Наргиза Утемуратова спорт түрлеринен де жеңимпаз болған.

 

Қарақалпақстан хабар агентлиги.