Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz

Өзбекстан Республикасы Олий Мажлиси жанында Суд ҳәкимияты ғәрезсизлигин тәмийнлеўге көмеклесиў комиссиясын шөлкемлестириў ҳаққында

Betti PDF ta'rizde ju'klep ali'w Betti PDF ta'rizde ju'klep ali'w (57 Kb)    Versiyasi'    Betti doc ta'rizde ju'klep ali'w (57 KB)

Өзбекстан Республикасы Президенти Ш.Мирзиёевтиң 2017-жыл 22-декабрь күни Олий Мажлис Сенаты ҳәм Нызамшылық палатасы ағзаларына жоллаған мүрәжаты мәмлекетимиздиң сиясий өмиринде биринши мәртебе әмелге асырылды. Мүрәжатта 2017-жылда әмелге асырылған баслы жумыслар жуўмақлары ҳәм Өзбекстан Республикасын 2018-жылда социал-экономикалық раўажландырыўдың ең баслы бағдарларына бағышланды.

Президентимиз Мүрәжатнамасында «Мен бир пикирди қайталаўдан шаршамайман - халқымыз ҳәмме нәрседен үстин қоятуғын әдалатты турмысымызда шын мәнисинде орнатыў ең тийкарғы ўазыйпамызға айланыўы шәрт» деген еди.

Бәршеге мәлим, суд – жәмийетте нызам үстинлигин ҳәм әдилликти тәмийинлеўши ғәрезсиз ҳәкимият тармағы есапланады.

Сонлықтан Президентимиз өз Мүрәжатнамасында турмысымызда шын мәнистеги әдалатты орнатыў, соның менен бирге суд ҳәкимиятының еркинлигин тәмийинлеў бойынша судлар алдына да көплеп ўазыйпаларды жүкледи.

Пуқараларымыздың ҳуқық ҳәм мәплериниң қорғалыўын сөзсиз тәмийинлеў, нызамлы ҳәм әдалатлы қарарлардың қабыл етилиўи - судьяларымыздың жоқары профессионал маманлыққа, терең билим ҳәм ҳуқықый саўатқанлыққа ийе болыўына тығыз байланыслы.

Мәмлекетимиз басшысы мүрәжатта  мәмлекетимизди келешекте ҳәр тәреплеме раўажландырыўға қаратылған тийкарғы ўазыйпалар белгилеп берилди, бирқанша нызамшылық басламалары ҳәм тараўдағы реформаларды даўам еттириў мақсетинде Олий Мажлис жанындағы суд ҳәки­мияты ғәрезсизлигин тәмийинлеўге көмеклесиў комиссиясын дүзиўди усыныс етип, бул комиссияға адамлардан келип түсип атырған мүрәжатларды, халық пенен тиккелей ушырасыў ҳәм пикирлесиў процесинде көтерилип атырған мәселелерди улыўмаластырыў, парламент­лик сораў арқалы ҳақыйқый жағдайды талқылаў, Жоқарғы суд ҳәм  Судьялардың жоқар­ғы кеңеси менен бирге машқалаларды шешиў илажларын көриў ўазыйпалары жүклетилетуғынлығын айтып өтти.

2017-2021-жылларда Өзбекистан Республикасын раўажландырыўдың бес тийкарғы бағдары бойынша ҳәрекетлер стратегиясын «Жедел исбилерменликти, инновациялық идеяларды ҳәм технологияларды қоллап-қуўатлаў жылы»нда әмелге асырыўға байланыслы мәмлекетлик бағдарлама ҳаққындағы Өзбекистан Республикасы Президентиниң 2018-жыл 22-январь кунги Пәрманы қабылланды.

Пәрманда суд–ҳуқық системасында судлардың ҳақықый еркинлигин тәмийнлеў, суд кадрларын таңлап алыўдың демократиялық ҳәм ашық-айдынлық механизимин жетилистириў бойынша комплексли илажлар әмелге асырылды. Орынларда ҳәкимшилик ҳәм экономикалық судлардың шөлкемлестирилгени әдил судлаўға ерисиў дәрежесин дәрежесин арттырыў имканиятын бергенлиги атап өтилди.

Соның менен бирге, ҳәрекетлер стратегиясының орынланыўын тәмийнлеў бойынша, сондай-ақ, Өзбекистан Республикасы Президенти Ш.Мирзиёевтиң 2017-жыл 22-декабрьдеги Олий Мажлиске Мүрәжатында белгиленген ўазыйпаларды әмелге асырыў мақсетинде усы Пәрманда нызам үстинлигин тәмийнлеў ҳәм суд-ҳуқық системасын буннан былай да реформалаў тараўында – пуқаралардың жеке турмысына қол қатылмаслықтың конституциялық кепилликлерин, соның ишинде, тинтиў ҳәм телефон арқалы сөйлесиўлерди тыңлап турыўға санкция бериў ҳуқықын судларға өткериў, Олий Мажлис жанындағы суд ҳәки­мияты ғәрезсизлигин тәмийинлеўге көмеклесиў комиссияны шөлкемлестириў арқалы және де беккемлеў, миллий қәўипсизлик уйымлары системасын түп-тийкарынан реформалаў, ўақтынша сақлаў, тергеў қамақханаларын, жазаны өтеў мәкемелерин видеобақлаў системалары менен тәмийнлеў, жол-патруль ҳәм патруль-пост хызметлерин мобиль видеокамералар менен тәмийнлеў, патруль хызметиниң стационар постларының санын оптималластырыў нәзерде тутылмақта.

2018-жыл мәмлекетимизде «Жедел исбилерменлик, иннова­циялық идеялар ҳәм технологияларды қоллап-қуўатлаў жылы» деп белгиленди, бул өз гезегинде исбилерменлик субъектлериниң ҳуқық ҳәм нызамлы мәплерин қорғаўда судларға және де үлкен жуўапкершилик жүклейди.

 

Нөкис районлар аралық экономикалық

судының судьясы:                                                                         Б.Кеунимжаева


Sa'ne: 28.03.2018 16:47, 2071 ma'rte ko'rip shi'g'i'ldi'