Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz

ҒАЛАБА ХАБАР ҚУРАЛЛАРЫ ЖӘМИЙЕТЛИК ҚАДАҒАЛАЎДЫҢ СУБЪЕКТЛЕР ҚАТАРЫНА КИРГИЗИЛМЕКТЕ

Betti PDF ta'rizde ju'klep ali'w Betti PDF ta'rizde ju'klep ali'w (54 Kb)    Versiyasi'    Betti doc ta'rizde ju'klep ali'w (54 KB)

Олий Мажлис Сенатының өн төртинши жалпы мәжилисинде сенаторлар «Жәмийетлик қадағалаўы ҳаққында»ғы нызамды мақуллады.

-Жәмийетлик қадағалаў мәмлекетлик уйымлардың жумысы үстинен қадағалаўды әмелге асырыў арқалы пуқаралардың ҳуқықлары ҳәм нызамлы мәплериниң қорғалыўын тәмийинлеўге хызмет етеди,-дейди Сенаттың Нызамшылық ҳәм суд-ҳуқық мәселелери комитети баслығының орынбасары Толиб Мадумаров.-Жүзге жақын нызамасты ҳүжжетлеринде мәмлекетлик уйымлардың жумысы үстинен жәмийетлик қадағалаўдың ол ямаса бул көриниўине тийисли нормалар өз сәўлелениўин тапқан. 2014-жылда Конституцияға мәмлекетлик ҳәкимят ҳәм басқарыў уйымлары тәрепинен нызам ҳүжжетлериниң орынланыўы үстинен жәмийетлик қадағалаўды әмелге асырыў механизми киргизилген.

Бирақ, нызамшылықта жәмийетлик қадағалаўдың мәниси, түрлери, оны әмелге асырыўдың усыллары ҳәм формалары, улыўма алғанда, қадағалаў механизмлерин нәзерде тутатуғын арнаўлы қағыйдалар, бирден-бир ҳүжжет жоқ.

«Жәмийетлик қадағалаў ҳаққында»ғы жаңа нызам жәми 21 статьядан ибарат болып, онда жәмийетлик қадағалаў субъектлери ҳәм объектлери, тийкарғы принциплери ҳәм жәмийетлик қадағалаўды әмелге асырыў формалары белгиленбекте.

Ендигиден былай нызамға муўапық Өзбекстан Республикасы пуқаралары; пуқаралардың өзин-өзи басқарыў уйымлары; мәмлекетлик емес коммерциялық емес шөлкемлер ҳәм ғалаба хабар қураллары жәмийетлик қадағалаўдың субъектлери болыўы мүмкин.

Сондай-ақ, жәмийетлик қадағалаў жәмийетлик кеңеслери, комиссиялары ҳәм   нызам ҳүжжетлеринде белгиленген жағдайларда жәмийетлик қадағалаўды өткериўдиң басқа шөлкемлескенлик формалары мысалы ушын, Өзбекстан Республикасы Қорғаныў министрлиги ҳәм басқа да ведомстволар жанында шөлкемлестирилетуғын жәмийетлик кеңеслери тәрепинен әмелге асырылыўы мүмкин екенлиги белгилеп қойылмақта.

Жәмийетлик қадағалаўдың объекти сыпатында болса, мәмлекетлик уйымлар ҳәм олардың лаўазымлы шахсларының жумыслары белгиленбекте.

Буннан тысқары, нызамға муўапық, жәмийетлик қадағалаў субъектлери мәмлекетлик уйымлар жумысының үстинен қатар формаларда қадағалаў жүргизиўи белгилеп қойылмақта.

Мәмлекетлик уйымларға мүрәжатлар ҳәм сораўлар жоллаў, мәмлекетлик уйымлардың ашық мәжлислеринде қатнасыў, жәмийетлик додалаў, жәмийетлик тыңлаў, жәмийетлик мониторинг, жәмийетлик экспертиза, жәмийетлик пикирди үйрениў, пуқаралардың өзин-өзи басқарыў уйымлары тәрепинен атқарыўшы ҳәкимят уйымларының, басқа да шөлкемлердиң ҳәм мәкемелердиң есабатларын тыңлаў сыяқлылар усылардың қатарына киреди.

Н.Абдикаримова, ӨзА


Sa'ne: 30.03.2018 15:57, 2056 ma'rte ko'rip shi'g'i'ldi'