Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


БАРЛЫҚ ИСБИЛЕРМЕНЛЕР ДЫҚҚАТЫНА!

Betti PDF ta'rizde ju'klep ali'w Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Өзбекистан Республикасы Президентиниң 2018-жыл 6-марттағы “Қарақалпақстан Республикасында киши санаат зоналарын шөлкемлестириў илажлары ҳаққында”ғы қарарына тийкарланып “Қарақалпақстан Республикасы киши санаат зоналары дирекциясы” мәмлекетлик унитар кәрханасы шөлкемлестирилди.

         Усы қарар тийкарында Амударья, Беруний, Шымбай, Тахиаташ, Хожели ҳәм Қоңырат районларында мәмлекет мүлки болған ҳәм мәмлекет үлеси болған хожалық жүритиўши жәмийетлердиң пайданылмай атырған ислеп шығарыў майданлары ҳәм объектлери негизинде киши санаат зоналары шөлкемлестирилип, исблерменлик субъектлерине бизнес режелерди, жумыс орынларын жаратыў ҳәм сақлаў, барлық түрдеги салықлар ҳәм мәжбурий төлемлерди өз ўақтында төлеў шәрти менен соңынан мүлк ҳуқықы берилген ҳалда 5 жыллық узақ мүддетке "ноль" ставкада ижараға бериледи.

         Соның менен бирге, киши санаат зоналарында инвестиция жойбарларын әмелге асырыў, импорт үскенелер ҳәм оларға аўысық бөлеклер алып келиў ушын жеңиллетилген кредит линиялары да ашылғанлығын мәлим етемиз.

Киши санаат зоналарында импорт орнын басатуғын ҳәм экспортқа бағдарланған таяр өнимлер, материаллар ҳәм аўысық бөлеклер ислеп шығарыў кәрханаларын жайластырыў нәзерде тутылған.

 

Ҳурметли исбилерменлер!

 

Сизлерди киши санаат зоналары қатнасыўшысы болыўға мирәт етемиз.

 

         “Қарақалпақстан Республикасы киши санаат зоналары дирекциясы”

 

         Мағлыўмат ушын телефонлар:         222-05-35,  222-26-27


Sa'ne: 30.03.2018 17:04, 484 ma'rte ko'rip shi'g'i'ldi'