Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


«Әмиўдәрья» журналы менен «Өзқурылысматериаллары» АЖ арасында турақлы бирге ислесиў жолға қойылады

Betti PDF ta'rizde ju'klep ali'w Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Өзбекистан Республикасы Президентиниң 2018-жыл 5-апрелдеги «Өзбекстан Жазыўшылар аўқамының жумысын буннан былай да жетилистириў илажлары ҳаққында»ғы қарарында Өзбекистан Жазыўшылар аўқамы қарамағындағы басылымлардың материаллық-техникалық базасын беккемлеўге айрықша итибар қаратылған.

Атап айтқанда, Өзбекстан Республикасында Өзбекстан Республикасы Финанс министрлиги ҳәм Өзбекстан Жазыўшылар аўқамы менен биргеликте Аўқамның шөлкемлестириўинде өз жумысын алып баратуғын барлық редакциялар қатарында дерлик 90 жылға шамалас ўақыттан берли өз оқыўшыларына руўхый суўсын берип киятырған Қарақалпақстан Республикасының көркем-әдебият, сын ҳәм жәмийетлик ой-пикир журналы «Әмиўдәрья» журналы редакциясының да материаллық-техникалық базасын беккемлеў бойынша илажлар бағдарламасын ислеп шығыў нәзерде тутылған.

Онда усы басылымды қағаз бенен тәмийинлеў, баспахана қәрежетлерин қаплаў олардың жазылыў мапазына көмеклесиў ушын «Ижод» жәмийетлик фондына қосымша қаржы ажыратыў нәзерде тутылған.

Елимиздеги бир қатар өндирислик кәрханалары, хожалық бирлеспелери, компаниялар ҳәм банклер менен мәденият ҳәм көркем өнер шөлкемлери арасында жолға қойылған «Дослар клублары» жумысының унамлы нәтийже берип атырғанын инабатқа алған ҳалда:

Қарақалпақстан Республикасының көркем-әдебият, сын ҳәм жәмийетлик ой-пикир журналы «Әмиўдәрья» журналы менен «Өзқурылысматериаллары» АЖ арасында «Дослар клубы»н дүзиў, шәртнама тийкарында бирге ислесиў жолға қойылады.

 Қарарда сондай-ақ, Өзбекистан Республикасы Министрлер Кабинетине, бир қатар министрликлер менен ведомстволарға Өзбекистан Жазыўшылар аўқамының аймақлық бөлимлериниң штат кестесин қата көрип шығыў, дөретиўшилерге төленетуғын қәлем ҳақы, китап өнимлериниң тарқалыўы, дөретиўши халқын жеңилликли кредитлер тийкарында турақ жай ҳәм басқа да жеңилликлер менен тәмийинлеў бойынша илажлар ислеп шығыў тапсырмасы берилген.

 

Қарақалпақстан Республикасы Министрлер Кеңесиниң Мәлимлеме хызмети


Sa'ne: 06.04.2018 10:48, 107 ma'rte ko'rip shi'g'i'ldi'