Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ЖУРНАЛИСТ ЖУЎАПКЕРШИЛИГИ ҲӘМ ҲУҚЫҚЛАРЫ МӘСЕЛЕЛЕРИНЕ БАҒЫШЛАНДЫ

Betti PDF ta'rizde ju'klep ali'w Betti PDF ta'rizde ju'klep ali'w (55 Kb)    Versiyasi'    Betti doc ta'rizde ju'klep ali'w (55 KB)

Усы жылдың l0-апрель күни Қарақалпақстан Республикасы Министрлер Кеңесиниң киши мәжилислер залында «Мәмлекетлик бағдарламалардың әмелге асырылыўында жәмийетлик қадағалаўды орнатыў: журналист жуўапкершилиги ҳәм ҳуқықлары» темасына бағышланған баспасөз конференциясы болып өтти.

Оған республикамыздағы бир қатар ғалаба хабар қуралларының ўәкиллери қатнасты.

Баспасөз конференциясын Қарақалпақстан Республикасы Министрлер Кеңеси Мәлимлеме-талқылаў басқармасының жетекши қәнигеси – Баспасөз хаткери Ч.Елмуратов ашты ҳәм алып барды.

Конференцияда Республикалық «Қарақалпақстан жаслары» газетасының Бас редакторы С.Жаниев «Мәмлекетлик бағдарламалардың әмелге асырылыўында газета-журналлардың тутқан роли ҳәм олардың жуўапкершилиги», Өзбекстан Журналистлери дөретиўшилик аўқамы Қарақалпақстан бөлими баслығының орынбасары А.Ембергенов «Жедел исбилерменликти, инновациялық идеяларды ҳәм технологияларды қоллап-қуўатлаў жылы» мәмлекетлик бағдарламасы бойынша жәмийетлик қадағалаўды орнатыўда ғалаба хабар қуралларының тутқан орны», Қарақалпақстан Хабар агентлигиниң директоры Е.Қанаатов «Мәмлекетлик бағдарламаларды жедел әмелге асырыўда интернет журналистиканың әҳмийети, тараўдың ҳәзирги көрсеткишлери», Қарақалпақстан Телерадиокомпаниясы директорының орынбасары Н.Жақсымуратова «Мәмлекетлик бағдарламалардың әмелге асырылыўында мәмлекетлик телевидениениң тутқан роли» темаларында баянат жасады. Конференцияда сондай-ақ, Қарақалпақ мәмлекетлик университети журналистика кафедрасы баслығы З.Оразымбетова, доцент М.Жумамуратовалар да шығып сөйледи.

Баспасөз конференциясына қатнасқан республикалық ғалаба хабар қураллары ўәкиллери өзлерин қызықтырған сораўларын берип, анық жуўаплар алды. Сондай-ақ, бир қатар пикир-усыныслар ортаға тасланды.

Күнниң екинши ярымында пайтахтымыздағы «Муратбек-мебель» ЖШЖне медиа-тур шөлкемлестирилип, ғалаба хабар қуралларының ўәкиллери бул кәрхананың турмысы менен жақыннан танысты.

Сағынбай ОРАЗЫМБЕТОВ

«Еркин Қарақалпақстан» газетасының хабаршысы


Sa'ne: 12.04.2018 11:21, 100 ma'rte ko'rip shi'g'i'ldi'