Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz

Қарақалпақстан Республикасы Жоқарғы Кеңеси менен Қарақалпақстан Республикасы Министрлер Кеңесиниң 18-апрель – Турақ-жай коммуналлық хызмет көрсетиў тараўы хызметкерлери күни мүнәсибети менен усы тараў хызметкерлерине қутлықлаў сөзи

Betti PDF ta'rizde ju'klep ali'w Betti PDF ta'rizde ju'klep ali'w (54 Kb)    Versiyasi'    Betti doc ta'rizde ju'klep ali'w (54 KB)

 

 

 

 

Турақ-жай коммуналлық хызмет көрсетиў тараўының хызметкерлерине!

Қəдирли дослар!

Сизлерди елимизде ең биринши мəрте белгиленип атырған Турақ-жай коммуналлық хызмет көрсетиў тараўы хызметкерлери күни байрамы мүнəсибети менен Қарақалпақстан Республикасы Жоқарғы Кеңеси ҳəм Министрлер Кеңеси атынан қызғын қутлықлаймыз.

Өткен жыллар ишинде турақ-жай коммуналлық хызмет тараўының нәтийжели жумыс алып барыўы халықтың барлық қатламларының турмыс дәрежесиниң жақсыланыўына өзиниң унамлы тəсирин тийгизгенлигин айрықша атап өтемиз.

Ғәрезсизлик жылларында елимизде коммуналлық хызмет көрсетиў тараўында кең көлемли реформалар əмелге асырылды. Нəтийжеде турақ-жай коммуналлық хызмет көрсетиў, көп ханалы квартиралар фондынан пайдаланыў, сондай-ақ, жеке турақ-жай мүлкдарлары ширкетлериниң экономикалық турақлылығын арттырыў бойынша нəтийжели ҳəм  сапалы жаңа система қəлиплестирилди.  

Ҳүрметли Президентимиздиң коммуналлық хызмет көрсетиў тараўының жумыс нəтийжелилигин арттырыў, сондай-ақ тараўдың пидайы хызметкерлерин хошаметлеў мақсетинде 18-апрель күнин Турақ-жай коммуналлық хызмет көрсетиў тараўы хызметкерлери күни, деп белгилеўи усы тараўда хызмет етип атырған инсанларға деген жоқары итибардың көриниси саналады. 

Соңғы қысқа ўақыт ишинде Ҳүрметли Президентимиз тəрепинен тараўды реформалаў, материаллық-техникалық базасын беккемлеў, хызметкерлерди ҳəр тəреплеме қоллап-қуўатлаў, олардың мийнетлерин хошаметлеў бағдарында алып барып атырған илажларға жуўап ретинде ҳəр бириңиз халқымыздың турмыс дəрежесиниң буннан былай да абаданласыўында белсендилик көрсетесизлер, деп беккем исенемиз. 

Əзиз дослар!

Сизлерди жəне бир мəрте кәсиплик байрамыңыз бенен қызғын қутлықлап, тараўдың жумысыларына тасқын табыслар, өзлериңизге беккем денсаўлық, шаңарақларыңызға мол ырысқы-несийбе, халқымызға тынышлық, аманлық тилеймиз!

 

 

Қарақалпақстан Республикасы Жоқарғы Кеңеси

 

Қарақалпақстан Республикасы Министрлер Кеңеси

 

 



 


Sa'ne: 18.04.2018 10:25, 1989 ma'rte ko'rip shi'g'i'ldi'