Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Ломбардлар жумысына жаңа талаплар қойылды

Betti PDF ta'rizde ju'klep ali'w Betti PDF ta'rizde ju'klep ali'w (52 Kb)    Versiyasi'    Betti doc ta'rizde ju'klep ali'w (52 KB)

 

Буннан былай ломбардлар жыллық қарыз суммасының ярымынан көп муғдарда процент есаплаўға, комиссия ҳәм неустойка (жәрийма, пеня) өндириўге ҳақылы емес.  Бул туўралы UzA хабар бермекте.

Ломбардлар тәрепинен жумыслар менен операцияларды әмелге асырыў қағыйдаларына өзгерислер Әдиллик министрлигинде мәмлекетлик  дизимнен өткерилгени туўралы министрликтиң телеграмдағы «Ҳуқықый мәлимлеме» каналы хабар бермекте.

Жаңа талапларға бола, ломбардлар гиреўге ямаса сақлаўға қойылған затлардан пайдаланыўға ҳәм оларды басқарыўға, жыллық қарыз суммасының ярымынан көп муғдарда процент есаплаўға,  комиссия ҳәм неустойка (жәрийма, пеня) өндириўге, кредит шәртнамиалары бойынша жуўапкершиликтиң басқа да шараларын қолланыўға, сондай-ақ, кредит буйыртпаларын көрип шығыўға, ссуда есап бетлерине хызмет көрсетиўге, кредит ажыратыў ушын төлемлерге және кредитлер мүддетинен алдын төленгени ушын неустойка өндириўге ҳақылы емес.

Қарақалпақстан Республикасы Министрлер Кеңесиниң Мәлимлеме хызмети


Sa'ne: 10.05.2018 09:57, 226 ma'rte ko'rip shi'g'i'ldi'