Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


ХОЖЕЛИДЕ ҚОСЫМША ШАРЎА БАЗАРЫ КҮНИ ШӨЛКЕМЛЕСТИРИЛДИ

Betti PDF ta'rizde ju'klep ali'w Betti PDF ta'rizde ju'klep ali'w (52 Kb)    Versiyasi'    Betti doc ta'rizde ju'klep ali'w (52 KB)

Мүрәжат унамлы шешим тапты

Бул туўралы Қарақалпақстан Республикасы Министрлер Кеңеси Исбилерменлик орталығын раўажландырыў, экспортқа көмеклесиў ҳәм қоллап-қуўатлаў топарының баслығы Бахтияр Қурбанов мәлимлеме бермекте.

– Бул бағдарда «Хожели дийқан базары» ЖШЖ ниң Қарақалпақстан Республикасы Министрлер Кеңесине район исбилерменлери менен қарыйдарларының өтиниш-тилеклерин инабатқа алып, жергиликли халықтың той ҳәм басқа да мерекелерге сатып алынған  шарўа малларын сақлаў имканияты болмағаны себепли районда ҳәр екшемби күни жумыс алып баратуғын шарўа ҳәм шөп базарының ҳәптениң пийшемби күнлери де шөлкемлестирилиўин сораған хатына муўапық район ҳәкиминиң қарары тастыйықланды. Бүгиннен баслап Хожели районлық шарўа базары қосымша пийшемби күнлери де жумыс алып барады.

Мәмлекетлик режени орынлаўда ҳәм нақ пул түсимлерин көтериўде «Хожели дийқан базары» ЖШЖ биринши шерек режесин 100,1% ке орынлағанын ҳәм онда шарўа базарының да салмақлы үлеси бар екенин  атап өтиў орынлы.

Әҳмийетлиси, буннан былай ҳәр пийшемби күни қосымша шөлкемлестирилетуғын шарўа базары жергиликли халық ушын бир қанша қолайлықлар жаратыў менен бирге усы көрсеткиштиң және де өсиўине хызмет ететуғыны сөзсиз.

Қарақалпақстан Республикасы Министрлер Кеңесиниң Мәлимлеме хызмети

 


Sa'ne: 10.05.2018 13:04, 125 ma'rte ko'rip shi'g'i'ldi'