Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Мәмлекетлик мәденият мәкемелери менен архив хызметкерлериниң мийнет ҳақысы 45 процентке көбейеди

Betti PDF ta'rizde ju'klep ali'w Betti PDF ta'rizde ju'klep ali'w (52 Kb)    Versiyasi'    Betti doc ta'rizde ju'klep ali'w (52 KB)

 

Бул туўралы 2018-жыл 14-майда Президентимиз Шавкат Мирзиёевтиң «Мәмлекетлик мәденият мәкемелери менен мәмлекетлик архив хызметкерлериниң митйнетине ҳақы төлеўдиң жетистирилген системасын енгизиў ҳәм оларды материаллық жақтан хошаметлеўди күшейтиў ҳаққында»ғы қарары қабыл етилди.

Усы қарарға муўапық 2018-жыл 1-июннен баслап мәмлекетлик мәденият мәкемелериниң артистлери, ҳәкимшилик-басқарыў, көркем-басшы, дөретиўши ҳәм басқа да хызметкерлердиң, сондай-ақ, мәмлекетлик архивлер басқарыў хызметкерлери менен қәнигелериниң мийнет ҳақысы муғдарын орташа 45 процентке арттырыў белгиленген.

Қарарда соның менен бирге, 2018-жыл 1-июннен баслап Өзбекстан мәмлекетлик цирки, ҳайўанат бағлары, Өзбекстан Республикасы Мәденият министрлигиниң көзи әззилер ушын мөлшерленген китапханалары менен мәмлекетлик архив хызметкерлериниң айрықша категорияларына театр-концерт шөлкемлериниң артистлери ҳәм көркем жәмәәтлерге узақ мүддет хызмет еткени ушын белгиленген муғдарларда ҳәр айда сыйлықлаў пулы төлениўи, ғалаба халықлық тамаша илажларын шөлкемлестириўден дәрамат алатуғын микрофирма ҳәм киши кәрханалар ушын бирден-бир салық төлеми ставкасының 30 проценттен 5 процентке шекем азайтылыўы сыяқлы жеңилликлер бериў белгиленген.

Қарардың толық тексти менен УзА, ҚХА ҳәм Министрлер Кеңесиниң рәсмий веб-сайтларында танысыўыңызға болады.

Қарақалпақстан Республикасы Министрлер Кеңесиниң Мәлимлеме хызмети

 


Sa'ne: 15.05.2018 11:50, 443 ma'rte ko'rip shi'g'i'ldi'