Түркия делегациясының Қарақалпақстанға сапар етиўи

28-май күни Түркия делегациясының исбилермен ўәкиллери Қарақалпақстан Республикасына келди.

Бул сапар етиўден тийкарғы гөзленген мақсет Қарақалпақстан Республикасында қурылыс материалларын ислеп шығарыў ушын инвестиция киргизиў ҳәм усы мақсетте аймақтағы тәбийғый ҳәм минерал байлықларды үйрениў болып табылады.

Өз нәўбетинде мийманлар Қарақалпақстан Республикасы Министрлер Кеңесиниң мәжилислер залында усы бағдар бойынша Қарақалпақстан Республикасының инвестициялық потенциалы ҳаққындағы толық мағлыўматлар менен кеңнен таныстырылды.

Мағлыўмат орнында: Бул илажлар Түркия Республикасы Президенти Режеп Таййип Эрдуғонның  2018-жыл  29-апрель – 1-май күнлери  Өзбекстан Республикасына сапапр етиўи шеңбериндеги келисимлер бойынша әмелге асырылмақта.

Қарақалпақстан Республикасы Министрлер Кеңесиниң Мәлимлеме хызмети

 


Sa'ne: 2018-05-29 10:53:52, Ko'rip shi'g'i'ldi': 1154