Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Электрон санлы имзаның абзаллықлары

Betti PDF ta'rizde ju'klep ali'w Betti PDF ta'rizde ju'klep ali'w (56 Kb)    Versiyasi'    Betti doc ta'rizde ju'klep ali'w (56 KB)

Күнделикли жумыслар санлы платформаға көшер екан, виртуал тармақта еркин ҳәм қәўипсиз, исенимли ҳәрекетлениў, шахсты тастыйықлаўҳәм процесслерди әмелге асырыў ушын ҳәр бир адамға электрон санлы имза керек болады.

Атап айтқанда, бүгинги нызамшылық талапларына көре, электрон санлы имза болмаған жағдайда мәмлекетлик уйымлардың мәмлекетлик интерактив хызметлеринен, сондай-ақ, бирден-бир интерактив мәмлекетлик хызметлер порталында көрсетилетуғын хызметлерден пайдаланып болмайды. Мәселен, қандай да бир мәмлекетлик мәкемеге арза, мүрәжат, усыныс жибериў ушын да сиз шахсыңызды тастыйықлайтуғын, өз-ара исенимли бирге ислесиўди тәмийинлейтуғын электрон санлы имзаға ийе болыўыңыз керек болады.

Өзбекстан Республикасының «Физикалықҳәм юридикалық шахслардың мүрәжатлары ҳаққында»ғы Нызамына муўапық, мүрәжатлардың аўызеки, жазба ямаса электрон түрлери бар. Арзалар, усыныслар ҳәм шағымлар мүрәжатлардың түрлери есапланады. Мүрәжатлар, олардың формасы ҳәм түрине қарамастан, бирдей әҳмийетке ийе болады.

Электрон санлы имза ­ мәмлекетлик мәкемелер менен өз-ара мүнәсибетлерди орнатыўда физикалықҳәм юридикалық шахсларға электрон ис-ҳәрекетлерди тастыйықлаў ушын зәрүр болатуғын, жуўапкер мәмлекетлик уйым тәрепинен усынылған электрон санлы имза жабық гилтиниң ийесин идентификациялаў имканиятын береди. Бул имза жәрдеминде электрон ҳүжжетлер ямаса мүрәжатларды аралықтан турып имзалаў мүмкин.

Электрон санлы имза ­ бу өз қолы менен қойылған имзаның жетилискен электрон көриниси есапланады.

Өзбекстан Республикасының «Электрон санлы имза ҳаққында»ғы Нызамында электрон ҳүжжеттеги электрон санлы имза қағаз ҳүжжетке қолда өзи қойған имза менен бирдей әҳмийетке ийе екенлиги кепилленген.

Электрон имза арқалы сиз ўақтыңызды тежеген ҳалда электрон ҳүжжетлерге қол қойыўыңыз ҳәм үйден яки мәкемеден шықпастан қлеген ўақытта интернет тармағы арқалы мәмлекетлик хызметлерден пайдаланыўыңызға болады. Мәселен, электрон санлы имза жәрдеминде бүгинги күнде бирден-бир интерактив мәмлекетлик хызметлер порталы арқалы көрсетилип атырған барлық хызметлерден пайдаланыў мүмкин.

Электрон санлы имза гилтлериниң сертификатлары юридикалықҳәм физикалық шахслардың мүрәжатлары бойынша бериледи. Мүрәжат еткен шахс электрон санлы имза гилтиниң сертификатын алыў ушын қәлеген Мәмлекетлик хызметлер ораыйна мүрәжат етиўи мүмкин. Бундай сертификатларды бериў ушын физикалықҳәм юридикалық шахслардан ең кем айлық ис ҳақының10 проценти муғдарында жыйым өндириледи, нызам ҳүжжетлеринде электрон санлы имза гилтлериниң сертификатларын бийпул алыў нәзерде тутылған жағдайлар буған кирмейди.

Төлемди Сlick ҳәм UPAY төлем системалары арқалы онлайн әмелге асырыўға да болады.

Электрон санлы имза гилтиниң сертификатын алыў ушын электрон санлы имза жабық гилтиниң ийеси Мәмлектелик хызметлер орайына электрон санлы имза гилтлерин ҳәм оның сертификатын электрон ҳүжжет түринде жазып қойыўҳәм сақлаў ушын USB қурылмаларын (ямаса Cоmpact дисклерин) алып барыўы керек болады.

Соны еслетип өтиў керек, USB (Cоmpact дисклер) қурылмаларға жазып алынған электрон санлы имза гилтлерин компьютерге жалғап пайдаланыўда сыртқы фактор (вирус)лардан қорғаған ҳалда ислетилиўи керек. Болмаса ол жарамсыз ҳалға келеди.

Электрон санлы имза гилтиниң сертификаты жойтылған жағдайда Мәмлекетлик хызметлер орайына сертификаттың дубликатын бериўҳаққында мүрәжат етиў мүмкин.

Жуўмақластырып айтқанда, электрон санлы имза халыққа хызмет көрсетиўдиң сапасы ҳәм тезлигин арттыратуғынына гүман жоқ.

 

Мәмлекетлик хызметлер агентлиги Қарақалпақстан Республикасы басқармасы


Sa'ne: 08.06.2018 10:13, 58 ma'rte ko'rip shi'g'i'ldi'