Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz

ӨЗБЕКИСТАН ПРЕЗИДЕНТИ ШАВКАТ МИРЗИЁЕВ ЖӘҲӘН БАНКИ ВИЦЕ-ПРЕЗИДЕНТИН ҚАБЫЛ ЕТТИ

Betti PDF ta'rizde ju'klep ali'w Betti PDF ta'rizde ju'klep ali'w (54 Kb)    Versiyasi'    Betti doc ta'rizde ju'klep ali'w (54 KB)

O‘zbekiston Prezidenti Shavkat Mirziyoyev Jahon banki vitse-prezidentini qabul qildi

Өзбекистан Республикасы Президенти Шавкат Мирзиёев 19-январь күни елимизге әмелий сапар менен келген Жәҳән банкиниң Европа ҳәм Орайлық Азия еллери бойынша вице-президенти Сирил Мюллерди қабыл етти.

Мәмлекетимиз басшысы мийманды шын жүректен қутлықлап, Өзбекистан ҳәм Жәҳән банкиниң бирге ислесиўи избе-из раўажланып атырғанын айрықша атап өтти.

Бүгинги күнде өз-ара бирге ислесиў электр-энергетика, ирригация ҳәм коммунал тармақларды модернизациялаў, суў тәмийнаты, өндирис, транспорт ҳәм социаллық инфраструктураны раўажландырыў бағдарларында Жәҳән банкиниң 2,1 миллиард доллар қаржысы тартылған 33 қоспа жойбарды өз ишине алады.

«Талимаржан ЫЭС – «Суғдиёна» ПС» жоқары вольтлы линиясын қурыў, Бухара ҳәм Самарқанд қалаларының суў тәмийнаты, канализация системаларын реконструкциялаў, Қарақалпақстанда суў ресурсларын басқарыў, Ангрен – Пап темир жолын электрлестириў, аўыл хожалығы кәрханаларын ҳәм мийўе-овощ жетистириўди раўажландырыў сыяқлы көплеген салаларда, соның ишинде, билимлендириў ҳәм денсаўлықты сақлаў системаларындағы үлкен әҳмийетке ийе жойбарлар әмелге асырылып, нәтийжели даўам еттирилмекте.

Өткен жылы қабыл етилген 2020-жылға шекем бирге ислесиў қоспа бағдарламасына 27 әҳмийетли жойбар киргизилген, оның улыўма баҳасы 4 миллиард доллардан ибарат, соннан 3 миллиард доллары Жәҳән банкиниң кредитлери болып табылады.

Жәҳән банкиниң вице-президенти Өзбекистанда киши бизнести жедел раўажландырыў, қолайлы исбилерменлик ҳәм инвестициялық орталықты буннан былай да жақсылаў бойынша жақында қабыл етилген илажлар оғада үлкен әҳмийетке ийе екенин айрықша атап өтти.

Ушырасыўда өз-ара бирге ислесиўдиң әҳмийетли бағдарлары ҳаққында пикир алысылды, шериклик қатнасықларды буннан былай да кеңейтиў ҳәм перспективалы жойбарларды әмелге асырыўдың тийкарғы бағдарлары додаланды.

Жәҳән банкиниң вице-президенти С.Мюллердиң сапар етиў бағдарламасынан Жәҳән экономикасы ҳәм дипломатия университетинде баянат оқыў, усы жоқары билимлендириў мәкемесиниң профессор – оқытыўшылары ҳәм студентлери менен ушырасыў да орын алған.

 

ӨзА  


Sa'ne: 20.01.2017 11:43, 4431 ma'rte ko'rip shi'g'i'ldi'