Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz


Betti PDF ta'rizde ju'klep ali'w Betti PDF ta'rizde ju'klep ali'w (61 Kb)    Versiyasi'    Betti doc ta'rizde ju'klep ali'w (61 KB)

2015.01.07 №6

 
Жойбар
 
ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕҢЕСИНИҢ ҚАРАРЫ
 
Өзбекистан Республикасы Бас ўәзири басшылығында 2015-жыл 6-январь күни Республика видео-селектор жыйналысында талқыланған “2015-жылда ишки жолларды оңлаў бойынша бағдарламаны әмелге асырыўда шөлкемлестириў-таярлық жумысларының барысы ҳаққындағы тапсырма ҳәм көрсетпелерин Қарақалпақстан Республикасында орынланыўын тәмийинлеў ҳаққында
 
 
Өзбекистан Республикасы Бас ўәзири басшылығында 2015-жыл 6-январь күни өткизилген видео-селектор жыйналысында аймақларда ишки хожалықлараралық жоллардың қурылыс-оңлаў жумысларын шөлкемлестириў мәселеси бойынша 2014-жылда республика бойынша жергиликли ҳәкимликлер балансында болған ишки жолларды оңлаў жумысларына Республика бюджети есабынан қаржылар ажыратылғанлығына қарамай, орынларда қаржылардың толық өзлестирилмегенлиги, соннан Қарақалпақстан Республикасында тастыйықланған мәнзилли дизимдеги 81 км жолдан есабат дәўиринде 73 км (90 проценте оңлаў жумыслары орынланғанлығы көрсетип өтилди.
Жоқарыдағы ҳалатты инабатқа алып, Өзбекистан Республикасы Бас ўәзири басшылығында 2015-жыл 6-январь күни өткизилген видео-селектор жыйналысында берилген тапсырма ҳәм көрсетпелердиң орынланыўын сөзсиз тәмийинлеў мақсетинде, Қарақалпақстан Республикасы Министрлер Кеңеси
                              
                              Қ А Р А Р   Е Т Е Д И:
 
1. Өзбекистан Республикасы Бас ўәзири басшылығында 2015-жыл 6-январь күни өткизилген видео-селектор жыйналысында аймақларда 2015-жылда ишки жолларды оңлаў бағдарламасын әмелге асырыў бойынша берилген тапсырма ҳәм көрсетпелер басшылыққа алынсын ҳәм орынлаў ушын қабыл етилсин.
2. Қарақалпақстан Республикасында 2015-жылда ишки жолларды оңлаў бағдарламасын әмелге асырыў бойынша Республика исши топары қурамы қосымшаға муўапық тастыйықлансын.
3. Республика Исши топары  (Ж.Ембергенов)на:
еки күн мүддетте қала ҳәм район ҳәкимликлери, Финанс министрлиги (М.Содиқов), “ҚҚавтожол” (А.Гобенов), «Мәҳәлле» жәмәәтлик қоры (Қ.Елмуратов) менен биргеликте хожалықлараралық ишки жолларды толық инвентаризациядан өткизиў ушын тәжирийбели жолшылар, мийнет алдынғылары ҳәм қәнигелерден ибарат жәмәәтшилик топарын дүзиў;
- инвентаризация нәтийжесине көре анықланған оңлаўды талап ететуғын ишки жоллардың мәнзилли дизимин қәлиплестириў;
- қала, район орайларында жоллар, аўыллық жасаў пунктлери, посёлка ҳәм хожалықлараралық аўыллық автомобиль жолларының оңланыўы үстинен қатаң қадағалаў орнатыў ўазыйпалары жүкленсин.
5. Финанс министрлиги (М.Содиқов), “ҚҚавтожол” (А.Гобенов) қала ҳәм районлар ҳәкимликлери тәрепинен усынылған мәнзилли дизим тийкарында жойбар-смета ҳүжжетлерин таярлаў, Республика бойынша мәнзилли бағдарламаны қәлиплестириў ҳәм белгиленген тәртипте тастыйықлаўдан өткизиў ўазыйпасы жүкленсин.
6. “ҚҚавтожол” (А.Гобенов)ға 2015-жылда ишки жолларды оңлаў ушын суйық битумға болған талапты 10 күн мүддетте анықлап, тийисли министрлик ҳәм ведомстволар менен келисиў ўазыйпасы тапсырылсын.
7. Қарақалпақстан Республикасы Министрлер Кеңеси Баслығының биринши орынбасары Ж.Ембергеновқа қала ҳәм районлар ҳәкимликлери ҳәмде тийисли министрлик ҳәм ведомстволар менен биргеликте 2015-жылда ишки жолларды қурыў бойынша таңлаў саўдаларын өткизиўде жетерли ис тәжирийбесине ҳәм материаллық техника базасына ийе болған қәнигели ҳәм потенциаллы шөлкемлердиң қатнасыўын тәмийинлеўге айрықша итибар қаратсын.
8. Қала ҳәм районлар ҳәкимликлери:
- усы мәселелерди талқылаў бойынша халық депутатлары Кеңеслериниң арнаўлы сессияларын өткерсин.
- усы жылда ишки жолларда қурылыс-оңлаў жумысларының орынланыўы ҳәм ажыратылған қаржылардың мақсетли жумсалыўы үстинен жәмәәтшилик қадағалаўын орнатсын.
9. Усы қарардың орынланыўын қадағалаў Министрлер Кеңеси Баслығының биринши орынбасары Ж.Ембергеновке жүкленсин.
 
 
Қарақалпақстан Республикасы
Министрлер Кеңесиниң Баслығы                              Б.Янгибаев
 
 
Нөкис қ.,
2015-жыл, 7-январь
№6
 

Ko'rip shi'g'i'ldi': 6418

Betler