Qaraqalpaqstan Respublikasi' Ministrler Ken'esi

Qaraqalpaqstan Respublikasi'ni'n' Ma'mleketlik hu'kimet portali'


Қорақалпоғистон Республикаси Вазирлар Кенгашининг янги расмий веб-сайтига ўтиш. http://karakalpakstan.uz


Betti PDF ta'rizde ju'klep ali'w Betti PDF ta'rizde ju'klep ali'w (60 Kb)    Versiyasi'    Betti doc ta'rizde ju'klep ali'w (60 KB)

ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕҢЕСИНИҢ ҚАРАРЫ

ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕҢЕСИНИҢ ҚАРАРЫ

                                                                 

Өзбекистан Республикасы Президентиниң 2016-жыл 29-июньдеги
«2016-жылғы масақлы дән егинлери өниминен босайтуғын жерлерди шүдигарлаўды шөлкемлестириў ис-илажлары ҳаққында»ғы ПҚ-2555-санлы қарары ҳаққында

 

2016-жылғы масақлы дән егинлери өниминен босайтуғын жер майданларын өз ўақтында ҳәм сапалы шүдигарлаўды шөлкемлестириў, 2017-жыл өниминиң кепилликли тәмийинлениўи ушын зәрүр ҳәм қолайлы шәрт-шәраятлар жаратыў мақсетинде Қарақалпақстан Республикасы Министрлер Кеңеси

 

Қ А Р А Р  Е Т Е Д И:

1. Өзбекистан Республикасы Президентиниң 2016-жыл 29-июньдеги
«2016-жылғы масақлы дән егинлери өниминен босайтуғын жер майданларын шүдигарлаўды шөлкемлестириў ис-илажлары ҳаққында»ғы ПҚ-2555-санлы қарары орынлаў ушын басшылыққа алынсын.

2. Өзбекистан Республикасы Президентиниң жоқарыда көрсетилген қарары менен:

а) 2015-жылда 19 районда масақлы дән егинлери өниминен босаған жер майданларында шүдигарлаўды әмелге асырыў ўақтында әдеўир кемшиликлерге жол қойылғанлығы, аўысық бөлеклер менен өз ўақтында тәмийинленбегенлиги нәтийжесинде 228 сүриў агрегатлары шүдигарлаўда қатнаспағаны, шүдигарлаўды шөлкемлестириўдеги кемшиликлер есабатын бузып көрсетиў ҳалатларына жол қойғанлығы ушын 39 лаўазымлы шахсларға  административлик жаза қолланылғынлығы;

Шүдигарлаў жумысларының өз ўақтында шөлкемлестирилиўи ҳәм сапалы өткерилиўи, сүриў агрегатларынан нәтийжели пайдаланыў, есабаттың бузып көрсетилиўине жол қоймаўы ушын шахсый жуўапкерлик Қарақалпақстан Республикасы Министрлер Кеңесиниң Баслығы, ўәлаятлар ҳәм районлар ҳәкимлери, Өзбекистан Республикасы Аўыл ҳәм суў хожалығы министрлиги, «Жергеодезкадастр» мәмлекетлик комитети, «Өзагромашсервис» бирлеспеси ҳәм оның аймақлық бирлеспелери басшыларына жүкленгенлиги;

б) Өзбекистан Республикасы Аўыл ҳәм суў хожалығы министрлиги, Өзбекистан Фермерлер Кеңесиниң 2016-жылғы масақлы дән егинлери өними жыйып-терип алынғаннан кейин өткерилетуғын шүдигарлаў жумысларының көлеми ҳәм мүддетлери бойынша Қарақалпақстан Республикасы Министрлер Кеңеси ҳәм ўәлаятлар ҳәкимликлери менен келисилген усынысы қосымшаға муўапық қабыл етилгенлиги;

Өзбекистан Республикасы Бас прокуратурасына ҳәм оның аймақлық бөлимлерине сүриў агрегатларының таярлығы, орынларда жанылғы-майлаў материаллары ҳәм аўысық бөлеклердиң зәрүр резерви жаратылғанлығы ҳәмде масақлы дән егинлери жыйып-терип алынғаннан кейин шүдигарлаў жумыслары  қарардың қосымшасында белгиленген көлемлер ҳәм мүддетлерге  әмел етилиўи үстинен қатаң қадағалаў орнатыў, айыпкер шахсларға нызам ҳүжжетлеринде нәзерде тутылған қатаң жуўапкерлик илажларын көриў тапсырылғанлығы мағлыўмат ушын қабыл етилсин.

3. Қарақалпақстан Республикасы Аўыл ҳәм суў хожалығы министрлиги (Хожаметов), «Қарақалпақ МТПлар»  бирлеспеси (Ҳакимов), «Автотеххызмет» АЖ (Қаипбеков), «Тақыятас нефть базасы» УК (Ильясов), «Елликқала нефть базасы» УК (Раззақов), районлар ҳәкимликлери менен биргеликте:

бир ҳәпте мүддетте зәрүр материаллық-техника ресурслары менен тәмийинленгенликти ҳәм жер фондынан және де нәтийжели пайдаланыўды есапқа алған ҳалда районлар ҳәм хожалықлар бойынша шүдигарлаў жумысларын өткериў кестелерин дүзсин ҳәм тастыйықласын;

шүдигарлаў жумысларын өткериў ушын мөлшерленген майданларда шүдигарлаўдан алдын сабан жыйып алыныўын шөлкемлестирсин;

шөлкемлестириўши-ҳуқықый түри ҳәм ведомстволық бойсыныўына қарамастан, басқа кәрханалар ҳәмде шөлкемлердиң сүриў агрегатларын қатнастырсын;

сүриў тракторларының еки сменада ислеўин ҳәм олардан отрядлар қәлиплестирилиўи усылы менен нәтийжели пайдаланылыўын шөлкемлестирсин;

хожалықлар ҳәм машина-трактор парклериниң буйыртпалары тийкарында аўысық бөлеклер ҳәм жанылғы майлаў материалларын жеткерип бериўди, сондай-ақ көшпели оңлаў устаханаларының үзликсиз ислеўин тәмийинлесин.

Жерди шүдигарлаўдың сапа көрсеткишлерине ерисиўине, биринши нәўбетте аймақлардың топырақ өзиншеликлерин есапқа алған ҳалда шүдигарлаў тереңлигине айрықша итибар берилсин.

4. Масақлы дән егинлери жыйып-терип алынғаннан кейин атызларды шүдигарлаўдан алдын тазалаў мақсетинде пақал ҳәм бийдайпая қалдықларын жағып жибериў қатаң қадаған етилсин.

Қарақалпақстан Республикасы Аўыл ҳәм суў хожалығы министрлиги (Хожаметов), Тәбиятты қорғаў мәмлекетлик комитети (Аметов) Қарақалпақстан Фермерлер Кеңеси (Сейтназаров), Телерадиокомпаниясы (Нағметов), Баспасөз ҳәм хабар агентлиги (Бекмуратов), Хабар агентлиги (Қурбаниязов) менен биргеликте пақалды жағыўдың зыяны ҳәм унамсыз ақыбетлерин кеңинен түсиндириў бойынша комплекс ис-илажлардың әмелге асырылыўын тәмийинлесин.

5. «Тақыятас нефть базасы» УК (Ильясов) ҳәм «Елликқала нефть базасы» УК (Раззақов) жанылғы-майлаў материалларының зәрүр резервин жаратсын ҳәмде шүдигарлаў жумысларында қатнасыўшы машина-трактор парклерине, фермер хожалықлары ҳәмде басқа аўыл хожалық кәрханаларына дизель жанылғысы нырқының 60 проценти алдыннан төленгеннен кейин оларға жанылғы-майлаў материаллары үзликсиз жеткерип берилиўин ҳәмде жеткерип берилген ресурслар ушын төлеў 60 күн ишинде толық әмелге асырылыўын тәмийинлесин.

6. Усы қарардың орынланыўын қадағалаўды өзимде қалдыраман.

 

 

  Қарақалпақстан Республикасы

Министрлер Кеңесиниң Баслығы                               Б.Янгибаев

 

Нөкис қ.,

04.07.2016-ж.

№219

 


Ko'rip shi'g'i'ldi': 6165