Betti PDF ta'rizde ju'klep ali'w (53 Kb)    Versiyasi'    Betti doc ta'rizde ju'klep ali'w (53 KB)

Qaraqalpaqstan Respublikası aymag`ında jaylasqan bazarlar ha`m sawda komplekslerinin` basqarmaları ta`repinen o`ndirip alınatug`ın bir ma`rtelik jıyımlar, ijara to`lemi ha`m ko`rsetiletug`ın xızmetler nırqının` en` kem mug`darların belgilew haqqında.

O`zbekstan Respublikası Prezidentinin` 2010-jıl 26-aprel`degi «Diyqan bazarları ha`m sawda kompleksleri jumısların sho`lkemlestiriwdi ja`ne de jetilistiriw haqqında»g`ı PQ-1326-sanlı qararının` 4-ba`ntine muwapıq, Qaraqalpaqstan Respublikası aymag`ında jaylasqan diyqan bazarlar ha`m sawda kompleksleri ta`repinen o`ndirip alınatug`ın bir ma`rtelik jıyımlar, ijara to`lemi ha`m ko`rsetiletug`ın xızmetler nırqının` en` kem mug`darların belgilew maqsetinde, Qaraqalpaqstan Respublikası Ministrler Ken`esi

QARAR   ETEDİ:

1. Qaraqalpaqstan Respublikası Finans ministrliginin` 2018-jıl 31-yanvar`dag`ı SM/03-02/146-sanlı ha`m Ma`mleketlik salıq basqarmasının` 2018-jıl 23-yanvar`dag`ı 04/2-00766-sanlı usınısların ina`batqa alıp, Qaraqalpaqstan Respublikası «Qaraqalpaqdiyqanbazarı» Respublikalıq birlespesi menen kelisilgen, Qaraqalpaqstan Respublikası aymag`ında jaylasqan bazarlar ha`m sawda kompleksleri basqarmaları ta`repinen o`ndirip alınatug`ın bir ma`rtelik jıyımlar, ijara to`lemleri ha`m ko`rsetiletug`ın xızmetler nırqının` en` kem mug`darları usı  qarardın` qosımshasına muwapıq tastıyıqlansın.

2. No`kis qalası ha`m rayonlar ha`kimliklerine, ma`mleketlik salıq basqarmasına (A.Saparbaev):

a) yuridikalıq ha`m fizikalıq ta`replerden Hu`kimetlik sheshimler  menen belgilengen ta`rtipte ijara to`lemi, jıyımlar  ha`m basqa da to`lemlerdi o`z waqtında jıynaw, bankler kassalarına tapsırıw boyınsha bazarlar ha`m sawda komplekslerinin` alıp barıp atırg`an jumısları u`stinen qatan` qadag`alaw ornatıw;

b) bazarlar ha`m sawda kompleksleri xızmetkerleri ta`repinen satıwshılardan bir ma`rtelik jıyımlardı, ko`rsetiletug`ın xızmetler ha`m ijara to`lemlerin belgilengen ta`rtipte nızamlı ra`wishte o`ndiriliwin qadag`alap barıw tapsırılsın.

3. Qaraqalpaqstan Respublikası Ministrler Ken`esinin` 2017-jıl
6-fevral`dag`ı 52-sanlı «Qaraqalpaqstan Respublikası aymag`ında jaylasqan bazarlar ha`m sawda komplekslerinin` basqarmaları  ta`repinen o`ndirip alınatug`ın  bir ma`rtelik jıyımlar, ijara to`lemleri ha`m ko`rsetiletug`ın xızmetler nırqının` en` kem mug`darların belgilew haqqında»g`ı qararı o`z ku`shin joyıtqan dep esaplansın.

4. Usı qarar «Erkin Qaraqalpaqstan» (K.Reymov) ha`m «Qoraqalpog`iston tongi» (N.Matyakubova) gazetalarında ra`smiy ja`riyalansın
ha`m Qaraqalpaqstan Respublikası Ministrler Ken`esinin` ra`smiy
veb-saytına jaylastırılıu usınıs etilsin.

5. Usı qarardın` orınlanıwın qadag`alaw Qaraqalpaqstan Respublikası Ministrler Ken`esi Baslıg`ının` birinshi orınbasarı A.Tajetdinovqa ju`klensin.

6. Usı  qarar  ra`smiy  ja`riyalang`an  ku`nnen  baslap  ku`shke  kiredi.

Ko'rip shi'g'i'ldi': 3706