Sahifani PDF tarzda yuklab olish (71 Kb)    Versiyasi    Sahifani doc tarzda yuklab olish (71 KB)

ҚАРАҚАЛПАҚСТАН РЕСПУБЛИКАСЫ МИНИСТРЛЕР КЕҢЕСИНИҢ ҚАРАРЫ

Базарларда саўда қылыў қағыйдаларын тастыйықлаў 

ҳаққында

Өзбекистан Республикасы Президентиниң 2010-жыл 26-апрелдеги “Дийхан базарлары ҳәм саўда комплекслери искерлигин шөлкемлестириўди және де жетилистириў ис-иләжлары ҳаққында”ғы ПҚ-1326-санли қарары, Өзбекистан Республикасы Министрлер Кабинетиниң 2012-жыл 28-августтеги “Базарлар
ҳәм саўда комплекслери искерлигин тәртипке салыўға тийисли қосымша
ис-иләжлар ҳаққында” 253-санлы қарары ҳәм Өзбекистан Республикасының Ҳәкимшилик жуўапкершилик ҳаққындағы Кодексиниң  6-статьясына тийкар Қарақалпақстан Республикасы аймағындағы базарларда саўда хызметин тәртипке салыў мақсетинде, Қарақалпақстан Республикасы Министрлер Кеңеси

Қ А РА Р  Е Т Е Д И:

1. Қарақалпақстан Республикасы аймағындағы базарларда саўда хызмети қағыйдалары (кейинги орынларда “Қағыйдалар” деп жүритиледи) қосымшаға муўапық тастыйықлансын.

2. “Еркин Қарақалпақстан” ҳәм “Вести Каракалпакстана” газеталары редакциясы (Реймов) ҳәм Қарақалпақстан Республикасы компьютерлестириў орайы мәмлекетлик унитар кәрханасы (Аширбеков) усы қарарды “Еркин Қарақалпақстан” ҳәм “Вести Каракалпакстана” газеталарында жәрияласын ҳәмде Қарақалпақстан Республикасы Министрлер Кеңесиниң рәсмий веб-сайтына жайластырсын.

3. Усы қарардың орынланыўын қадағалаў Қарақалпақстан Республикасы Министрлер Кеңеси Баслығының орынбасары М.Мамутовқа жүкленсин.

4. Бул қарар рәсмий жәрияланған күннен баслап үш айдан кейин күшке киреди.

Қарақалпақстан Республикасы

Министрлер Кеңеси баслығы                                                Б.Янгибаев

Қарақалпақстан Республикасы

Министрлер Кеңесиниң

2016-жыл «____»_________дағы

______-санлы қарарына

қосымша

Қарақалпақстан Республикасы аймағындағы базарларда саўда етиў қағыйдалары

I. Улыўма қағыйдалар

1. Бул Қағыйдалар Қарақалпақстан Республикасы аймағындағы базарларда саўда искерлигин шөлкемлестириўге қойылатуғын тийкарғы талапларды белгилейди.

2. Бул Қағыйдаларда төмендеги тийкарғы атамалар ҳәм түсиниклерден пайдаланылады:

Дийхан (азық-аўқат) базары – Қарақалпақстан Республикасы Министрлер Кеңеси тәрепинен белгиленген орынларда турақлы яки ўақтынша тийкарда жумыс алып баратуғын ҳәмде саўда қатарлары, саўда орынлары ҳәм турғын саўда шақапшалары (сол қатарда саўда павильонлары)нан пайдаланған ҳалда кең түрдеги аўыл хожалығы азық-аўқат өнимлериниң ҳәм оны қайта ислеўден алынатуғын өнимлерди усақлап сатыў саўдасы ушын зәрүр шәрт-шараятлар жаратыўға мөлшерленген мүлкий комплекс.

Қәнигелестирилген базарлар - шарўа маллары, қуслар ҳәм басқа ҳайўанлар, сондай-ақ илгери пайдаланыўда болған мал-мүлкти сатыў базарлары.

Шәрўа маллары, қуслар ҳәм басқа ҳайўанлар базары – юридик шахстың өз алдына бөлими есапланатуғын, дийхан (азық-аўқат) базарының шарўа маллары, қуслар ҳәм басқа ҳайўанлар сатылатуғын филиалы;

Илгери пайдаланыўда болған мал-мүлкти сатыў базары-Қарақалпақстан Республикасы Министрлер Кеңеси тәрепинен қәнигелесиўи мәжбүрий тәртипте көрсетилген ҳалда белгиленетуғын белгили күнлер ҳәм орынларда илгери пайдаланыўда болған азық-аўқатлық емес товарлары ҳәм мал-мүлктиң усақлап саўдасы әмелге асырылатуғын базар.

3. Дийхан (азық-аўқат) базарлары, қәнигелестирилген базарлар ҳәм саўда комплекслери аймағында жайласқан турғын усақлап сатыў саўда объектлери искерлиги ҳәм улыўма аўқатланыў хызметлери көрсетиў усы Қағыйдалар ҳәм Өзбекистан Республикасында усақлап сатыў ҳәмде улыўма аўқатланыў өнимлерин ислеп шығарыў ҳәм сатыў (хызметлер көрсетиў) Қағыйдаларына муўапық әмелге асырылады.

4. Базарлар аймақларын абаданластырыўға, объектлерин жайластырыўға ҳәм базарды үскенелеўге қойылатуғын улыўма талаплар Өзбекистан Республикасы Министрлер Кабинетиниң 2012-жыл 28-августтеги 253-санлы қарарына 1-қосымша менен тастыйықланған Қағыйдаларға муўапық болыўы шәрт.

II. Дийхан (азық-аўқат) базарларда

1. Дийхан базарларында ҳәптениң бир күнин жергиликли мәмлекетлик ҳәкимияты органы тәрепинен тастыйықланған графике муўапық “Тазалық күни” деп белгилениўи, усы күни базарлар ҳәм олардың аймағында жайласқан барлық объектлерде тазалаў ҳәм дезинфекция иләжлары әмелге асырылыўы;

2. Өзбекистан Республикасы Министрлер Кабинетиниң 2011-жыл 8-июлдағы 202-санлы Қарары менен тастыйықланған «Халық жасаў пунктлеринде ийтлер ҳәм пышықларды сақлаў» Қағыйдаларының 14,15-бәнтлери талапларына тийкар дийхан базарлары аймақларында жетексиз жүрген, қараўсыз қалған ийтлер ҳәм пышықлардың тутып алыныўын, бундай ҳайўанлар болыўына яки оларды аўқатландырыўға жол қоймаўлары, бундай ҳайўанлар пайда болғанда, дәрҳал қала ҳәм район абаданластырыў басқармалары жанындағы қараўсыз ҳайўанларды тутыў бөлими хызметкерлерин шақырыў;

3. Дийхан базарлары ҳәм олардың филиаллары аймағында ҳәр күни жумыс басланыўдан алдын ҳәм жумыс барысы даўамында турақлы түрде тазалық жумыслары алып барылыўы;

4. Дийхан базарлары ҳәм олардың филиалларында ветеринария-санитария нормасы талапларына әмел етилиўи;

5. Саўда қатарларын сатылатуғын өнимлердиң түрине қарап, үскенелиниўи (тез бузылатуғын өнимлерди ўақтыншалық сақлаў ҳәм сатыў ушын музлатқыш ҳәм суўтыў үскенелерин орнатыў);

6. Күнделикли жыйналған шығындыларды ҳәр күни алып шығып кетилиўин шөлкемлестириў ҳәмде шығынды жыйнаў майданшасында турақлы рәўиште тазалаў ҳәм зыянсызландырыў иләжларыөткерилиўи;

8. Базарға сатыў ушын келтирилген өнимлерди ветеринария-санитария экспертизасынан өткерилиўи;

9. Гөш, балық, сүт, пал, миллийнан, салат, шығыс ширинликлери ҳәм басқа түрдеги өнимлер менен саўда етиўши исбилермен ҳәм пуқараларды арнаўлы жумыс кийими менен тәмийинлеўи;

10. Гөш, сүт, пал, миллийнан, салат, шығыс ширинликлери өнимлери менен саўда етиўши исбилермен ҳәм пуқаралардың медициналық көриктен өткенлиги ҳаққында дәптершеси болыўы;

11. Базарларға сатыў ушын келтирилген өнимлерди, тек ғана усы түрдеги өнимлер ушын белгиленген орынлар (қатарлар)арқалы сатылыўы;

12. Базар ҳәкимшилиги тәрепинен белгиленген орынларда ғана саўда етилиўи;

13. Базарларда саўда етиўши исбилермен ҳәм пуқаралар, сатыў ушын келтирген өнимлерин ўақтыншалық сақлаў ҳәм сатыў Қағыйдаларына әмелетиўлери ҳәмде олар ушын ажыратылған саўда қатары ҳәмоның дөгерек әтирапын таза тутыўлары шәрт.

14. Базар аймағында сыртқы реклама қуралларын реклама ҳаққындағы нызам ҳүжжетлери талапларына қайшы түрде жайластырыў;

Ислеп шығарыў сәнеси ҳәм жарамлылық мүддети көрсетилмеген яки жарамлылық мүддети өткен азық-аўқат ҳәм турымслық химиятоварларын сатыў;

Үй шараятында ҳәм басқа орынларда сойылған, қәўипсизлиги ветеринария хызмети тәрепинен кепилленбеген гөш ҳәм басқа өнимлерди (гелле-бас-сыйрақ, өкпе, баўыр, талақ ҳәм басқалар) сатыў;

ўәкилликли банклердиң шақапшалары ҳәм банкоматларынан тысқары, пуқаралар ҳәм исбилерменлер тәрепинен белгиленген талапларға қайшы түрде банк пластик карточкаларын нақластырыў қадаған етиледи.

III. Қәнигелестирилген базарларда

1. Қәнигелестирилген базарларда ҳәптениң бир күнин жергиликли мәмлекетлик ҳәкимияты органы тәрепинен тастыйықланған графике муўапық “Тазалық күни” деп белгилениўи, усы күни базарлар ҳәм олардың аймағында жайласқан барлық объектлерде тазалаў ҳәм дезинфекция иләжлары әмелге асырылыўы;

2. Қәнигелестирилген базарлар аймағында ҳәр күни жумыс басланыўдан алдын ҳәм жумыс барысы даўамында турақлы түрде тазалық жумыслары алып барылыўы;

3. Белгиленген күнлердеги қәнигелестирилген базарда жыйналған шығындыларды тап сол күни алып шығып кетилиўин шөлкемлестирилиўи ҳәмде шығынды жыйнаў майданшасында турақлы түрде тазалаў ҳәм зыянсызландырыў иләжлары өткерилиўи;

4. Шарўа маллары, қуслар ҳәм басқа ҳайўанларды сатыўға қәнигелестирилген базарларда ветеринария-санитария нормасы талапларына әмел етилиўи;

5. Шарўа маллары, қуслар ҳәм басқа ҳайўанларды сатыўға қәнигелестирилген базардағы тек ғана усы түрдеги ҳайўанлар ушын белгиленген сәне, ўақыт ҳәм саўда зоналары арқалы сатылыўы;

6. Автомобиль базарларында автомобиллерди тек ғана усы түрдеги транспорт қураллары ушын белгиленген саўда зоналары арқалы сатылыўы;

7. Қәнигелестирилген базарларда базар ҳәкимшилиги тәрепинен белгиленген орынларда саўда етилиўи;

8. Қәнигелестирилген базар ҳәкимшилиги ҳәм қадағалаў органларының нызамлы талаплары орынланыўы шәрт.

9. Илгери пайдаланыўда болған мал-мүлкти сатыў базары аймағында:

Объектлерди орналастырыўдың тастыйықланған схемасынан тысқары қосымша саўда орынлары шөлкемлестириў;

Аўыл хожалығы азық-аўқат өнимлерин ҳәм оларды қайта ислеў өнимлерин сатыў (оларды базар аймағында жайласқан турғын саўда шақапшалары арқалы сатыў буған кирмейди);

жаңа импорт ҳәм жергиликли тутыныў товарларын ҳәмде басқа жаңа мал-мүлкти сатыў (оларды базар аймағында жайласқан турғын саўда шақапшалары арқалы сатыў буған кирмейди);

товарларды автомашиналар яки контейнерлерден сатыў;

таяр армия нәрселерин ҳәм белгиленген үлгидеги формалы кийим-кеншекти, әскерий түрдеги басқа товарларды, мәкемелер, шөлкемлер ҳәм кәрханалар штампы басылған көрпе төсек нәрселери, ишки ислер органларында қолланылатуғын арнаўлы қураллар ҳәм арнаўлы қурал-сайманларды сатыў;

сатылыўы нызам ҳүжжетлеринде қадаған етилген басқа товарлар ҳәм буйымларды сатыў қадаған етиледи.

IV.Усы Қағыйдаларды бузғанлық ушын жуўапкершилик

10. Усы Қағыйдаларды бузған айыплы шахслар Өзбекистан Республикасының Ҳәкимшилик жуўапкершилик ҳаққындағы Кодексиниң 
168-статьясына тийкар ҳәкимшилик жуўапкершиликке тартылады.

Ko'rib chiqildi: 4645