Sahifani PDF tarzda yuklab olish (52 Kb)    Versiyasi    Sahifani doc tarzda yuklab olish (52 KB)

O`zbekiston Respublikasi Vazirlar Mahkamasining 2018 yil 22 fevraldagi

«Sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasi berish tartibi to`g`risidagi nizomini tasdiqlash haqida»gi 135-sonli qarori to`g`risida

O`zbekiston Respublikasining «Nodavlat notijorat tashkilotlari faoliyatining kafolotlari to`g`risida»gi, «Ijtimoiy sheriklik to`g`risida»gi qonunlariga muvofiq hamda davlat organlarining nodavlat notijorat tashkilotlari va fuqarolik jamiyatining boshqa institutlari bilan hamkorligini yanada kuchaytirish maqsadida Vazirlar Kengashi
qaror qiladi:

1. O`zbekiston Respublikasi Vazirlar Mahkamasining 2018 yil
22 fevraldagi «Sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasi berish tartibi to`g`risidagi nizomini tasdiqlash haqida»gi
135-sonli qarori ijro uchun rahbarlikka olinsin.

2. Vazirlar Mahkamasining mazkur qarori bilan:

a) Sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasi berish tartibi to`g`risidagi nizom ilovaga muvofiq tasdiqlanganligi;

b) vazirliklar va idoralar uzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirish topshirilganligi ma`lumot uchun qabul qilinsin.

3. Vazirliklar va idoralar uzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qaror ijrosini nazorat qilish Vazirlar Kengashi Raisining o`rinbosari M.Jumanovga yuklansin.

Qoraqalpog`iston Respublikasi

Vazirlar Kengashining Raisi                                        Q.Sariev

Ko'rib chiqildi: 3196